The news is by your side.

Advertisement

بھارتی الزامات مسترد کرتے ہیں، جارحیت کا فوری جواب دیا جائے گا، ترجمان دفتر خارجہ

اسلام آباد : ترجمان دفتر خارجہ ڈاکٹر محمد فیصل نے کہا ہے کہ پاکستان امن کا حامی ہے، کسی جارحیت کا فوری جواب دے گا، آزاد کشمیر سے متعلق بھارت کے بےبنیاد الزامات کو مسترد کرتے ہیں۔

ترجمان دفترخارجہ نے آزاد کشمیر پر بھارتی وزیر خارجہ کے غیر ذمہ دارانہ بیان پر ردعمل دیتے ہوئے کہا کہ بے بنیاد الزامات سے بھارت کشمیریوں کیخلاف جرائم سے دنیا کی توجہ نہیں ہٹاسکتا۔

پاکستان بھارتی وزیر خارجہ کے غیر ذمہ دارانہ بیان کی سختی سے مذمت اور اس کو مسترد کرتا ہے، انہوں نے کہا کہ بھارت مسئلہ کشمیر کو یو این کی قراردادوں کے مطابق حل کرے اور مقبوضہ وادی میں فوری طور پر فوجی مظالم بند کرائے۔

ترجمان دفترخارجہ کا مزید کہنا ہے کہ پاکستان امن کاحامی ملک ہے اور سرحدوں پر کسی جارحیت کا فوری جواب دے گا، بھارت کی جانب سے غیرذمہ دارانہ بیانات خطے کے امن کیلئے خطرہ ہیں۔

ڈاکٹر محمد فیصل نے کہا کہ نام نہاد جمہوریت کا حامل بھارت70سال سے مقبوضہ کشمیر میں سنگین جرائم کررہا ہے۔

بھارت دنیا کا وہ واحد ملک ہے جو اقلیتوں کیخلاف جرائم کو فروغ دے رہا ہے اور مقبوضہ وادی میں ریاستی دہشت گردی کامرتکب ہورہا ہے۔

مقبوضہ کشمیر میں کرفیو لگا کر اس کو بڑے جیل خانے میں تبدیل کردیا گیا، بھارت ڈھٹائی سے کشمیر میں انسانی حقوق کی خلاف ورزیاں کررہا ہے۔

Comments

comments

یہ بھی پڑھیں