بھارتی کوہ پیماؤں کی جعل سازی پکڑی گئی، دنیا کی بلند ترین چوٹی ماؤنٹ ایورسٹ سر کرنے کے جھوٹے دعوے کا بھانڈہ پھوٹ گیا۔
نیپال کی حکومت نے جعل سازی اور جھوٹ بولنے پر بھارتی کوہ پیماؤں کو سزا سنا دی۔ چوٹی سر کرنے کا جھوٹا دعویٰ کرنے والے 3 بھارتی کوہ پیماؤں پر نہ صرف پابندی کر دی گئی بلکہ نیپالی حکومت نے تعریفی سرٹیفکیٹ بھی واپس لے لیے۔
2016میں بھارتی کوہ پیماہ نریندرسنگھ یادیو اور ان کی ٹیم نے ماؤنٹ ایورسٹ سر کرنے کا دعویٰ کیا تھا اور انہیں اس کارکردگی پر بھارت میں ایوارڈ دیا گیا جس پر ان کے ہم وطنوں کی جانب سے احتجاج کیا گیا اور انکوائری بورڈ نے تحقیقات کے بعد چوٹی سر کرنے کے دعوے کو جھوٹا قرار دے دیا۔
نیپال نے انکوائری رپورٹ ملنے پر جعل ساز کوہ پیماؤں پر 6 سال کی پابندی عائد کرتے ہوئے ان سے تعریفی اسناد واپس لے لیں۔
Comments
- Advertisement -