The news is by your side.

Advertisement

بھارتی کامیڈین لائیو پرفارمنس کے دوران چل بسے

دبئی: بھارتی کامیڈین منجو ناتھ نائیڈو اسٹیج پر لائیو پرفارمنس کے دوران حرکت قلب بند ہوجانے کے باعث جان کی بازی ہار گئے۔

تفصیلات کے مطابق بھارتی مزاحیہ اداکار 36 سالہ منجو ناتھ نائیڈو اسٹیج پر لائیو پرفارمنس کے دوران حرکت قلب بند ہوجانے کے باعث چل بسے۔

منجو ناتھ کو پرفارمنس سے قبل انزائٹی ہو رہی تھی جسے ساتھی اداکاروں اور پروڈیوسر نے ’اسٹیج فوبیا‘ سمجھ کر نظر انداز کردیا۔

بھارتی کامیڈین اپنی پرفارمنس کے دوران اچانک اسٹیج پر رکھی بینچ پر بیٹھ گئے اور پھر فوراً اسٹیج پر اوندھے منہ گر گئے، سانسیں اکھڑ رہی تھیں اور پھر جسم بے حرکت ہوگیا، اس سارے عمل کو شائقین اسکرپٹ کا لکھا سمجھتے رہے اور تالیاں بجا کر اداکاری کی داد دیتے رہے۔

عرب میڈیا کے مطابق بھارتی شہری منجو ناتھ نائیڈو جو کئی برس سے دبئی میں مقیم تھے اور اسٹیج پر مزاحیہ کردار نبھانے کے باعث کافی شہرت رکھتے تھے۔

یاد رہے کہ رواں سال اپریل میں برطانیہ کے 60 سالہ اسٹینڈ اپ کامیڈین لین کاگنیٹو کی موت اس وقت ہوتی تھی جب وہ ایک اسٹیج ڈرامے کے دوران ہارٹ اٹیک سے متعلق اداکاری کررہے تھے۔

Comments

comments

یہ بھی پڑھیں