The news is by your side.

Advertisement

آرٹیکل 370: اقوام متحدہ میں ہونے والی بحث مودی حکومت کی ناکامی ہے، کانگریس رہنما

نئی دہلی : آل انڈیا کانگریس کمیٹی کے ممبر وی نارائنن نے کہا ہے کہ پاکستان اور چین نے مل کر بھارت کا آرٹیکل 370 کا اندرونی معاملہ عالمی سطح پر اٹھا دیا، یہ بھارت کی سفارتی ناکامی ہے۔

یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، اقوام متحدہ سکیورٹی کونسل کے اجلاس میں بھارت کی سفارتی ناکامی کے بعد بھارت کے اندر سے بھی آوازیں اٹھنے لگیں، آل انڈیا کانگریس کمیٹی کے ممبر بھارتی انڈین حکومت پر برس پڑے۔

کشمیر کا مسئلہ عالمی سطح پر اجاگر ہونا بھارتی سفارتکاری کی ناکامی قرار دیا جانے لگا، آل انڈیا کانگریس کمیٹی کے ممبر روی نارائنن نے اپنے ٹوئٹر پیغام میں کہا کہ پاکستان اور چین نے مل کر بھارت کا آرٹیکل 370 کا اندرونی معاملہ عالمی سطح پر اٹھا دیا ہے۔

بھارت کے اندرونی معاملے کو عالمی سطح پر پہنچا دینا بھارت کی سفارتی ناکامی ہے، ان کا مزید کہنا تھا کہ ایسا پہلے جو کئی دہائیوں میں نہیں ہوا تھا جو آج پاکستان اور چین نے کر دکھایا۔

علاوہ ازیں ہندوستان کی سب سے بڑی اپوزیشن جماعت کانگریس کے ترجمان ابھیشیک منو سنگھوی نے بھی مقبوضہ کشمیر کے موجودہ حالات پر اقوام متحدہ کی سلامتی کونسل میں ہو نے والی بحث کو مودی حکومت کی خارجہ پالیسی کی ناکامی اور پاکستان کی کامیابی قرار دیتے ہوئے کہا ہے کہ بھارتی وزیر اعظم نریندر مودی کو اس اجلاس کو منسوخ کرنے کی کوشش کرنی چاہیے تھی۔

پارٹی ہیڈکوارٹر میں پریس کانفرنس کرتے ہوئے کہا کہ کانگریس سمجھتی ہے کہ اقوام متحدہ کے سلامتی کونسل اجلاس میں مسئلہ کشمیر کو اٹھایا جانا بھارت کے لئے انتہائی سنگین معاملہ ہے لیکن بھارتی وزیراعظم اس پر خاموش ہیں۔

Comments

comments

یہ بھی پڑھیں