کراچی : بھارتی انسانی حقوق کی تنظیم کے رہنمااورمصور مصنف سدھندرا کلکرنی نے کہا ہے کہ قائداعظم محمد علی جناح برصغیر پاک وہند کے عظیم لیڈر تھے ،وہ چاہتے تھے پاک بھارت کے درمیان تعلقات امریکہ اور کینیڈا کی طرح ہوں۔
سدھندرا کلکرنی کی قیادت میں بھارت کے پانچ رکنی وفد نے مزار قائد پر حاضری دی اور پھولوں کی چادر چڑھائی، میڈیا سے گفتگو کرتے ہوئے سدھندرا کلکرنی کا کہنا تھا کہ وہ قائد اعظم محمد علی جناح کی دل سے عزت کرتے ہیں اور امن کے سپاہی کے طور پر پاکستان آئے ہیں.
انکا کہنا تھا کہ قائد اعظم ہندو مسلم اتحاد کے سفیر تھے.
انہوں نے کہا کہ قائد اعظم اور گاندھی کے نظریہ سے اس خطے کے مسائل حل ہوسکتے ہیں، برصغیرکی جس طرح تقسیم ہوئی، قائداعظم اسکے قائل نہیں تھے۔
وفدمیں بھارتی سابق وزیر خارجہ مانی شنکر اورسیکٹری خارجہ سلمان حیدر بھی موجود تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں