اسلام آباد: پلواما واقعے سے متعلق سوالات کے جواب نہ دینے پر بھارتی ڈپٹی ہائی کمشنر کو دفتر خارجہ طلب کرلیا گیا۔
تفصیلات کے مطابق پاکستان میں بھارت کے ڈپٹی ہائی کمشنر کو دفتر خارجہ طلب کرلیا گیا، پلواما واقعے پر پاکستان نے بھارت سے 8 سوالوں کے جواب نہ دینے پر وضاحت مانگ لی۔
[bs-quote quote=”بھارت قابل عمل شواہد فراہم کرے، تعاون کے لیے تیار ہیں” style=”style-8″ align=”left” author_name=”وزارت خارجہ”][/bs-quote]
ذرائع کے مطابق بھارت سے پوچھا گیا ہے کہ ڈوزیئر پر پاکستان کے سوالوں کے جواب کیوں نہیں دئیے، بھارت جواب دے کالعدم جیش محمد کا مبینہ ترجمان محمد حسن کون ہے، مبینہ ترجمان کی متعلقہ تفصیلات فراہم کی جائیں۔
وزارت خارجہ نے کالعدم جیش محمد کے مبینہ ترجمان کا سم ریکارڈ بھی طلب کرلیا، پاکستان نے بھارت سے مبینہ ترجمان کے واٹس ایپ کی تفصیلات بھی مانگی ہیں۔
وزارت خارجہ کی جانب سے یہ بھی کہا گیا ہے کہ بھارت قابل عمل شواہد فراہم کرے، تعاون کے لیے تیار ہیں۔
مزید پڑھیں: چاہتے ہیں بھارت سے پلوامہ حملے پر قابل عمل معلومات مل جائیں: دفتر خارجہ
واضح رہے کہ ترجمان دفتر خارجہ ڈاکٹر محمد فیصل کا کہنا تھا کہ چاہتے ہیں بھارت سے پلواما حملے پر قابل عمل معلومات مل جائیں، بھارت کو کچھ نئے سوالات بھیجے ہیں، بھارت نے پہلے بھیجے گئے سوالات کا جواب بھی ابھی تک نہیں دیا ہے۔
