The news is by your side.

Advertisement

عدالت میں تصویر بنانے پر بھارتی ہائی کمیشن اہلکار کا موبائل ضبط

اسلام آباد: وفاقی دارالحکومت اسلام آباد کی ہائی کورٹ انتظامیہ نے جسٹس محسن اختر کیانی کی تصویر اتارنے پر بھارتی ہائی کمیشن کے فرسٹ سیکریٹری کا موبائل فون ضبط کرلیا۔

تفصیلات کے مطابق اسلام آباد ہائیکورٹ میں پاکستانی شہری سے شادی کرنے والی بھارتی خاتون عظمیٰ کی جانب سے بھارت واپس بھیجنے کی درخواست کی سماعت جاری تھی جس کی سماعت جسٹس اختر محسن کیانی کر رہے تھے۔

دوران سماعت بھارتی ہائی کمیشن کے فرسٹ سیکریٹری بھی عدالت میں موجود تھے جنہوں نے خلاف ضابطہ دوران سماعت اسلام آباد ہائی کورٹ کے جج کی تصویر لینے کی کوشش کی جس پر عدالتی انتظامیہ نے فوری کارروائی کرتے ہوئے ان کا موبائل ضبط کرلیا۔

اس موقع پر جسٹس محسن کیانی نے بھارتی فرسٹ سیکریٹری پر برہمی کا اظہار کرتے ہوئے کہ آپ کو معاملے کی حساسیت کا اندازہ ہونا چاہیئے، یہ عدالتی کارروائی ہے کوئی ڈرامہ نہیں۔ آپ فوری طور پر تحریری معافی عدالت میں جمع کروائیں۔

بعد ازاں تحریری طور پر معافی مانگنے کے بعد فرسٹ سیکریٹری کو ان کا موبائل واپس دے دیا گیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں