بھارتی ہاتھی نے چینی سیاح کو روند کرہلاک کردیا -
The news is by your side.

Advertisement

بھارتی ہاتھی نے چینی سیاح کو روند کرہلاک کردیا

رائے پور: بھارت میں بھپرے ہوئے جنگلی ہاتھی نے چینی سیاح کو کچل پیروں تلے روند کرہلاک کردیا۔

چتیش گڑھ کے مقامی پولیس چیف سنجیو شکلا کے مطابق 41 سالہ چینی سیاح گھرگھودا نامی جنگل میں علی الصبح سیرکررہا تھا کہ اس کے سامنا ایک جنگلی ہاتھی سے ہوگیا جس نے اسے بری طرح زخمی کردیا یہاں تک کہ اس کی موت واقع ہوگئی۔

سیاح کی شناخت جونگ کیٹو کے نام سے ہوئی ہے اوروہ نزدیک ہی واقع پاور پراجیکٹ پرانجینئرکی حیثیت سے تعینات تھا اوراپنی ٹیم کے ہمراہ نزدیکی گیسٹ ہاوٗس میں مقیم تھا۔

پولیس چیف کے مطابق حادثے کے وقت چینی انجینئرکے ساتھی بھی اسکے ساتھ موجود تھے جوکہ اپنی جان بچا کر بھاگ نکلنے میں کامیاب ہوگئے اورانہیں محض معمولی نوعیت کے زخم آئے ہیں۔

واضح رہے کہ بھارتی ہاتھی دیو ہیکل قد وقامت کے مالک ہوتے ہیں اورورلڈ والڈ لائف فنڈ کے مطابق ان کا وزن 5ٹن تک ہوسکتا ہے یعنی ان کی زد میں آنے والے کا بچ نکلا محال ہوتا ہے۔

Comments

comments

یہ بھی پڑھیں