بھارتی کاشتکار پاکستان سے تجارت کرنے پرمجبور -
The news is by your side.

Advertisement

بھارتی کاشتکار پاکستان سے تجارت کرنے پرمجبور

نئی دہلی : بھارت میں سبزیوں کی قیمتیں گرنے کے بعد بھارتی کاشتکار پاکستان سے تجارت کرنے پر مجبور ہوگئے، اپنی حکومت سے مطالبہ کردیا کہ پاکستان سے تجارت بحال کی جائے۔

بھارت میں سبزیاں اور پھل کوڑیوں کے مول بک رہے ہیں، طلب اوررسد میں عدم توازن ہوگیا، توازن میں استحکام لانے کے لئے بھارتی کاشتکار سبزیاں اور پھل پاکستان برآمد کرنے پر مجبور ہوگئے۔


بھارتی کاشت کاروں نے حکومت سے پھل اور سبزی کی فروخت کیلئے حکومتی سطح پر سرحد پار ماحول سازگار بنانے کا مطالبہ کر دیا ہے۔

بھارتی کاشت کاروں کا کہنا ہے کہ بھارت میں سبزیوں اور پھل کا وافر اسٹاک موجود ہے اور صرف تین کلو میٹر دور پاکستان میں تجارت کے مواقع موجود ہیں، نوٹوں کی بندش سے پہلے ہی شدید مشکلات کا سامنا ہے اور اب سرحد پر خراب حالات سے کاروبار کرنا مزید دشوار ہوگیا ہے۔

خیال رہے کہ پاکستان، بھارت سے پیاز ، ٹماٹر اور دیگر پھل سبزیاں درآمد کرتا رہا ہے۔


مزید پڑھیں : بھا رتی تاجروں نے پاکستان کو سبزیوں اور کپاس کی برآمد روک دی


خیال رہے کہ اڑی حملے  پاک بھارت کشیدگی کے بعد بھارتی ریاست گجرات کے بیوپاریوں نے پاکستان سے سبزیوں کی تجارت نہ کرنے کا اعلان کرتے ہوئے پاکستان کو ٹماٹر، ٹنڈے اور مرچ بھیجنا بند کر دیا تھا، بھارتی گجرات سے ان سبزیوں کے یومیہ پچاس ٹرک واہگہ بارڈ سے پاکستان بھیجے جاتے تھے جو کہ اب بند کر دیئے گئےتھے جبکہ کپاس کی پاکستان آمد بھی بند ہوگئی تھی،  بھارت سے بیاسی کروڑبیس لاکھ ڈالر سالانہ کی کپاس پاکستان آتی ہے۔

Comments

comments

یہ بھی پڑھیں