تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

خاتون ریسلر نے شکست پر ایسا کام کردیا کہ دیکھنے والے خوف سے کانپ گئے

راجستھان : بھارت میں ہونے والی جونیئر ویمن ریسلنگ مقابلوں کے فائنل میچ میں ریسلر لڑکی نے صرف ایک پوائنٹ سے شکست پر ایسا کام کردیا کہ دیکھنے والے خوف زدہ ہوگئے۔

بھارتی ریاست راجستھان کے شہر بھرت پور میں ہونے والے جونیئر ویمن ریسلنگ مقابلے کے فائنل میں ہارنے کے بعد ریسلر لڑکی نے انتہائی قدم اٹھا لیا، بتایا جارہا ہے کہ ریسلر ریتیکا نے یہ قدم بھرت پور میں جونیئر ویمن ریسلنگ کے فائنل میچ میں شکست کی وجہ سے اٹھایا ہے۔

ریسلر ریتیکا پچھلے پانچ سال سے پہلوان مہابیر پھوگاٹ کی اکیڈمی میں تیاری کر رہی تھی، ریتیکا نے12 سے 14مارچ تک بھرت پور میں ریاستی سطح کے تمام جونیئر، جونیئر خواتین اور مرد ریسلنگ مقابلوں میں حصہ لیا۔

بھارتی میڈیا کی رپورٹ کے مطابق اس دوران 14 مارچ کو ہونے والے فائنل میچ میں ریتیکا کو ایک پوائنٹ سے شکست کا سامنا کرنا پڑا۔

بتایا جارہا ہے کہ میچ میں شکست کے بعد ریتیکا انتہائی صدمے کے عالم میں تھی۔15مارچ کی رات گیارہ بجے کے قریب مہابیر پھوگاٹ کے گاؤں بلالی میں اپنے پھوپھا کے گھر میں اس نے پنکھے پر اسکارف ڈال کر پھانسی لگاکر خودکشی کرلی۔

 ریتیکا نے بھرت پور کے لوہا گڑھ اسٹیڈیم میں 12 اور 14 مارچ کے درمیان کھیلی جانے والی ریاستی سطح کی جونیئر ویمن ریسلنگ مقابلے میں حصہ لیا تھا۔ پولیس نے ریتیکا کی لاش کا پوسٹ مارٹم کیا اور لاش لواحقین کے حوالے کردی۔

Comments

- Advertisement -