The news is by your side.

Advertisement

ایل اوسی: بھارتی گولہ باری سے بچے سمیت 9 شہری شہید، 50 زخمی

سیالکوٹ: بھارتی جنگی جنون انتہاء کوپہنچ گیا،چارواہ سیکٹرپربھارتی فوج کی بلا اشتعال گولہ باری سے بچے سمیت 9 افراد شہید ،جبکہ 50 زخمی ہوگئے۔

تفصیلات کے مطابق بھارتی فوج نے کنٹرول لائن پررات گئے بلااشتعال گولہ باری کی جس میں چارواہ سیکٹرپرسجیت گڑھ، کندن پور،دھمالامندروال، خرد، کلاں اور گجراں گاؤں کونشانہ بنایا جبکہ ہڑپال سیکٹر میں بھی فائرنگ کی گئی۔

بھارتی فوج کی اس تازہ جارحیت کے نتیجے میں بچے اور خاتون  سمیت 9 افراد شہید جبکہ 50 زخمی ہوگئے ہیں ۔بھارتی جارحیت کا منہ توڑ جواب دیتے ہوئے چناب رینجرز نے بھی بھرپورکارروائی کی جس پربھارتی توپیں خاموش ہوگئیں۔

بھارتی فوج کے رات گئے ہونے والے حملے میں زخمی ہونے والوں میں12 بچے اور 22 خواتین بھی شامل ہیں جنہیں طبی امداد کیلئے سی ایم ایچ اسپتال  سیالکوٹ منتقل کردیا گیا ہے۔

آرمی چیف جنرل راحیل شریف نے سی ایم ایچ اسپتال سیالکوٹ کا دورہ کیا اور بھرتی بربریت کا شکار ہونے والے زخمیوں کی عیادت کی۔

بھارت گزشتہ کئی ماہ سے جنگی جنون میں مبتلا لائن آف کنٹرول کی مسلسل خلاف ورزی کئے جارہا ہے جس کے سبب کئی شہری شہید اورزخمی ہوچکے ہیں۔

<

Comments

comments

یہ بھی پڑھیں