راولپنڈی: بھارت نے ایک بار پھر سیز فائر کی خلاف ورزی کرتے ہوئے آزاد کشمیر کے علاقے کھوئی رٹہ سیکٹر پر بلااشتعال فائرنگ کی جس کے نتیجے میں 2 بچیاں اور 2 خواتین زخمی ہو گئیں۔
آئی ایس پی آر کے مطابق بھارتی فوج کی لائن آف کنٹرول پر بلااشتعال فائرنگ جس سے آزاد کشمیر کے علاقے کھوئی رٹہ میں دو بچیوں سمیت چار خواتین زخمی ہوگئیں۔
ایل او سی پربھارتی فائرنگ سے شہید 3 جوانوں کی نمازجنازہ ادا
پاک فوج نے جوابی فائرنگ کرتے ہوئے بھارتی چوکیوں کو نشانہ بنایا جس کے نتیجے میں بھارتی توپیں خاموش ہوگئیں۔
بھارتی فوج کی فائرنگ سے زخمی ہونے والی دو بچیوں اور دوخوتیں کو قریبی اسپتال منتقل کردیا گیا ہے جہاں انہیں طبی امداد فراہم کی جارہی ہے۔
یاد رہے کہ بھارتی فورسز رواں سال لائن آف کنٹرول پر متعدد بار بلااشتعال فائرنگ اور گولہ باری کر چکی ہیں۔
