The news is by your side.

Advertisement

بھارتی اشتعال انگیزی کا نشانہ بننے والے خاتون فریدہ ہسپتال میں دم توڑ گئی

اسلام آباد : لائن آف کنٹرول پر بھارتی اشتعال انگیزی کا نشانہ بننے والے خاتون فریدہ ہسپتال میں توڑ گئی ہیں، اس طرح گذشتہ ایک ہفتے کے دوران لائن آف کنٹرول پر بھارتی اشتعال انگیزی کے باعث شہید ہونے والے پاکستانی شہریوں کی تعداد چار ہوگئی ہے ۔

آئی ایس پی آر کے ایک ترجمان کے مطابق بھارتی فوج کی فائرنگ سے زخمی ہونے والی فریدہ انتقال کرگئی، کوٹلی کی رہائشی فریدہ 8 اگست کو بھارتی افواج کی جانب سے فائرنگ سے زخمی ہوئی تھی۔

ضلع کوٹیلی کے گاؤں ندھری کی اٹھائیس سالہ فریدہ آٹھ اگست کو جندروٹ سیکٹر پر بھارتی فائرنگ کے نتیجے میں پیٹ میں گولی لگنے سے شدید زخمی ہوئی تھی، جسے علاج کیلئے سی ایم ایچ راولپنڈی منتقل کیا گیا تھا تاہم وہ زندگی اور موت کی کشمکش میں منگل کی صبح دم توڑ گئی۔

اس سے قبل چار اگست کو ورکنگ باؤنڈری کے پھکلیاں سیکٹر پر بھارتی فوج کی فائرنگ سے تین شہری دم توڑ گئے تھے ، اس طرح ایک ہفتے کے دوران چار پاکستانی شہری بھارتی اشتعال انگیزی کا نشانہ بن چکے ہیں۔

Comments

comments

یہ بھی پڑھیں