چارواہ :بھارتی فورسز کی چار واہ اور ہرپال سیکٹر پر بلا اشتعال فائرنگ اور گولہ باری سے پاکستانی شہری جاں بحق ہوگیا جبکہ چناب رینجرز کی جانب سے بھرپور جوابی کاروائی بھی کی گئی۔
ہندوانتہا پسند جماعت بے جے پی کے اقتدار میں آنے کے بعد سے سرحدوں پر بھارتی فورسز کو دہشت گردی کے لیے کھلی چھوٹ مل گئی ہے، بلا اشتعال فائرنگ اور گولہ باری معمول کا حصہ بن گئی ہے۔
بھارتی سیکورٹی فورسز کی جانب سے چارواہ اور ہر پال سیکٹر پر بلا اشتعال فائرنگ اور گولہ باری کی گئی، فائرنگ سے ٹھٹھی خورد گاؤں کا رہائشی محمد شریف جاں بحق ہوگیا، چناب رینجرز کی جانب سے بھارتی فا ئرنگ کا منہ توڑ جواب دیا گیا۔
جس کے بعد بھارتی فائرنگ کا سلسلہ رُک گیا، بھارتی فوج نے سیالکوٹ کے سرحدی علاقے کے قریب بھی فائرنگ کی، جس سے پانچ مویشی ہلاک ہوئے اور متعدد گھروں کو نقصان پہنچا۔
