The news is by your side.

Advertisement

پاکستانی حدود سے بھارتی شہریوں کی گرفتاری

کراچی: پاکستان میری ٹائم سیکیورٹی ایجنسی (پی ایم ایس اے) نے پاکستانی حدود میں داخل ہونے والے 31 بھارتی ماہی گیروں کو گرفتار کرلیا ہے۔

ترجمان ایم ایس اے کے مطابق میری ٹائم سیکیورٹی ایجنسی نے پاکستانی سمندری حدود میں کامیاب کارروائی کرتے ہوئے پاکستانی حدود میں غیر قانونی شکار کرنیوالی 5 بھارتی ماہی گیرکشتیوں کو قبضے میں لیا۔

پی ایم ایس اے ترجمان نے بتایا کہ کشتی میں سوار 31 بھارتی ماہی گیروں کو گرفتار کیا گیا جو کہ پاکستانی سرحد میں غیر قانونی شکار کررہے تھے، کشتیوں کو قانون کے مطابق کارروائی کیلئےکراچی لایا گیا ہے۔

یہ بھی پڑھیں: غیر ملکی ماہی گیروں کیخلاف میری ٹائم سیکیورٹی ایجنسی کی کارروائی، 28 گرفتار

ترجمان پی ایم ایس اے کے مطابق بھارت کا یہ عمل ملکی وسائل کے انڈس ڈیلٹا خطے میں جان بوجھ کر مداخلت کا سبب بن رہا ہے، کشتیوں کو پاکستانی قانون اور سمندری قوانین سے متعلق اقوام متحدہ کے کنونشن کی خلاف ورزی پر مزید کارروائی کے لیے کراچی منتقل کردیا گیا ہے۔

و اضح رہے کہ پاکستان میری ٹائم سیکیورٹی ایجنسی واحد بحری قانون نافذ کرنے والی ایجنسی ہے، جسے ایکٹ کے تحت ذمہ داری دی گئی ہے کہ سمندر میں اسمگلروں کا تعاقب کرنے کے بعد ان کو کیفر کردار تک پہنچائے، محدودوسائل کے باوجود ایم ایس اے اپنے فرائض احسن طریقے سے انجام دے رہی ہے۔

Comments

یہ بھی پڑھیں