The news is by your side.

Advertisement

چھمب سیکٹر بھارتی فوج کی بلا اشتعال فائرنگ، 2 افراد زخمی

سیالکوٹ : چھمب سیکٹر میں بھارتی فوج کی بلا اشتعال فائرنگ سے دو افراد زخمی ہوگئے ، پاک فوج کی بھارتی فوج کیخلاف دندان شکن جوابی کارروائی کرکے دشمن کی بندوقیں خاموش کرادی۔

تفصیلات کے مطابق بھارتی فورسز جارحیت سے باز نہ آئی، سیز فائر کی خلاف ورزی کو مععمول بنالیا، ایل اوسی کے قریب چھمب سیکٹر میں بھارتی فوج کی بلا اشتعال فائرنگ سے دو افراد زخمی ہوگئے۔


مزید پڑھیں : بھارتی فوج کی ایل او سی پر گولہ باری، خاتون شہید، سات شہری زخمی


سماھنی بنڈالہ سیکٹر میں لائن آف کنٹرول پر بھی بھارتی افواج نے بلا اشتعال گولہ باری کی، پاک فوج نے جوابی کاروائی کرکے بھارتی فوج کے ہوش اڑادئیے۔

یاد رہے گذشتہ روز بھی بھارتی فوج نے ہارٹ اسپرنگ، جند روڈ اور نکیال سیکٹر پربلا اشتعال فائرنگ کی، فائرنگ سے ایک خاتون شہید اور سات شہری زخمی ہوگئے تھے جب کہ پاک فوج کی جوابی فائرنگ میں بھارت کا بھی جانی نقصان ہونے کی اطلاعات تھی۔


مزید پڑھیں : ایل او سی پر فائرنگ: پاک فوج کا بھرپور جواب،5 بھارتی فوجی ہلاک،4 چوکیاں تباہ


اس سے قبل بھی بدھ کو ہونے والی بلااشتعال فائرنگ کا پاک فوج نے بھرپور جواب دیا،پاک فوج نے بھارتی فوجیوں کی چیک پوسٹوں کو کامیابی سے نشانہ بنایا جس کے نتیجے میں بھمبر سیکٹر میں بھارتی فوج کی چار چیک پوسٹیں مکمل طور پر تباہ ہوگئیں اور پانچ بھارتی فوجی ہلاک ہوگئے۔


مزید پڑھیں: بھارتی فوج کی ایک بار پھر ایل او سی پر بلا اشتعال فائرنگ


اس سے قبل منگل کو بھی بھارتی سیکیورٹی فورسز نے ایل او سی پر پاکستانی علاقوں میں 2 مختلف مقامات پر بلااشتعال فائرنگ کی تھی جس کے نتیجے میں 1 بچی اور 1 شہری جاں بحق جبکہ 7 افراد زخمی ہوگئے تھے۔

خیال رہے کہ بھارتی سیکورٹی فورسز سرحدی آبادیوں کو نشانہ بنا رہی ہیں، بلااشتعال فائرنگ اورگولہ باری سے ورکنگ باؤنڈری کے قریب اکیس اکتوبر سے اب تک چھ شہری شہید اور انتیس زخمی ہوئے ہیں۔

Comments

comments

یہ بھی پڑھیں