site
stats
پاکستان

بھارتی فوج کی ظفر وال سیکٹر میں شہریوں پر فائرنگ، 3 شہری زخمی

ispr

سیالکوٹ: بھارتی فوج نے ایک بار پھر ورکنگ باؤنڈری پر ظفر وال سیکٹر میں شہریوں پر فائرنگ کردی جس سے 3 شہری زخمی ہوگئے۔

پاک فوج کے شعبہ تعلقات عامہ آئی ایس پی آر کے مطابق ظفر وال سیکٹر پر بھارتی فوج کی بلا اشتعال فائرنگ سے 3 پاکستانی شہری زخمی ہوگئے۔

آئی ایس پی آر کا کہنا ہے کہ پاک فوج کی جانب سے بھرپور جوابی کارروائی کی گئی اور بھارتی چیک پوسٹوں کو نشانہ بنایا گیا۔

پاک فوج کی جانب سے جوابی کارروائی میں ایک بھارتی فوجی ہلاک جبکہ ایک چیک پوسٹ تباہ ہوگئی۔

یاد رہے کہ 25 دسمبر کو بھی بھارتی فوج نے راولا کوٹ سیکٹر پر بلا اشتعال فائرنگ کی جس سے ایک فوجی جوان شدید زخمی ہوا، جبکہ 3 فوجی شہید ہوگئے تھے۔

یہ وہی روز تھا جب پاکستان نے انسانی ہمدردی کے تحت بھارتی جاسوس کلبھوشن یادو سے اس کی اہلیہ اور والدہ کی ملاقات کروائی تھی۔

مزید پڑھیں: بھارتی دہشت گرد کلبھوشن کی اہلیہ اور والدہ سے ملاقات

اس مثبت اقدام کا جواب بھارت کی افسوس ناک اشتعال انگیزی کی صورت میں‌ سامنے آیا س میں‌ پاک فوج کے 3 جوان شہید ہوگئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top