site
stats
پاکستان

بھارتی فورسز کی ایل اوسی کلرسیکٹرمیں بلااشتعال فائرنگ اور گولہ باری

لاہور: لائن آف کنٹرول پر بھارتی جارحیت کا سلسلہ تاحال جاری ہے،  او سی کلر سیکٹر میں بھارت نے ایک بار پھر اپنی ڈھٹائی کا مظاہرہ کیا ہے۔

تفصیلات کے مطابق بھارتی سرحدی فورسز نے ایل اوسی کلرسیکٹرمیں بلااشتعال فائرنگ اور گولہ باری کی تاہم پاک فوج نے بھارتی جارحیت کا بھرپور جواب دیا، گزشتہ بارہ روز سے ورکنگ بائونڈری اور کنٹرول لائن پر بھارتی فورسز کی جارحیت تسلسل کےساتھ جاری ہے، چند دنوں کے دوران چارواہ، ہرپال اورنکیال سیکٹر پر بھارتی فورسزکی بلااشتعال فائرنگ اورگولہ باری سے دو پاکستانی شہری شہید اور ایک ہی خاندان کے تین افراد سمیت چھ افراد زخمی ہوئے۔

اگست میں نوے باربھارت نے جارحیت کی جس میں تیس جبکہ جولائی میں سینتیس خلاف ورزیوں میں پانچ شہری شہید ہوئے۔

دفترخارجہ نےبھارتی ڈپٹی ہائی کمشنر کو طلب کرکےان سے سیز فائر کی خلاف ورزیوں اور شہری آبادیوں کو مسلسل نشانہ بنانے پر احتجاج کیا۔

دوسری جانب پاکستان نے کنٹرول لائن کی خلاف ورزیوں کا معاملہ باضابطہ طور پراقوام متحدہ کی سلامتی کونسل میں اٹھادیا، اقوام متحدہ میں پاکستان کی مستقل مندوب ڈاکٹرملیحہ لودھی نےسلامتی کونسل کےصدرکے نام اپنےخط میں کہا ہے کہ بھارت کی لائن آف کنٹرول پرجنگ بندی کی خلاف ورزیوں کی وجہ سےخطے میں تناؤ میں اضافہ ہورہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top