The news is by your side.

Advertisement

مقبوضہ کشمیرمیں بھارتی فوجیوں نےمظاہرین پرجیپ چڑھادی‘5 افراد زخمی

سری نگر: مقبوضہ کشمیر میں قابض بھارتی فوجیوں نے مظاہرین پرجیپ چڑھا دی جس کے نتیجے میں 5 کشمیری نوجوان زخمی ہوگئے۔

تفصیلات کے مطابق مقبوضہ کشمیرمیں بھارت کے انسانیت سوزمظالم نہ رک سکا، قابض بھارتی فوجیوں نے سری نگرمیں 5 کشمیری نوجوانوں کو جیپ کے ٹائروں کے نیچے کچل دیا۔

کشمیر میڈیا سروس کے مطابق یہ واقعہ سری نگرکےعلاقے نوہٹا میں نمازجمعہ کے بعد پیش آیا۔

مقبوضہ کشمیر کے علاقے سری نگر میں بھارتی قابض کشمیر میں دہلی کے نئے قانون کے خاتمے کے لیے مظاہرے کیے جا رہے ہیں جبکہ جمعے کے روز کیا جانے والا مظاہرہ انتہائی پرامن تھا۔

مقبوضہ کشمیرمیں بھارتی فوج کی ریاستی دہشت گردی ‘ 5 کشمیری نوجوان شہید

خیال رہے کہ گزشتہ ہفتے مقبوضہ کمشیر کے علاقے کپواڑہ میں سرچ آپریشن کے نام پر قابض بھارتی فوج نے 5 کشمیری نوجوانوں کو شہید کردیا تھا۔

مقبوضہ کشمیر: بھارتی فوج کا جیپ کے آگے نوجوان کو باندھ کر گشت

یاد رہے کہ گزشتہ سال اپریل میں بھارتی فوجیوں نے ضلع بڈگام میں لوگوں کے پتھراؤ سے بچنے کے لیے کشمیری نوجوان کو فوجی جیپ کے آگے باندھ کر شہر کا گشت کیا تھا۔

بعدازاں مقبوضہ کشمیر میں کشمیری نوجوان کو جیپ سے باندھ کرانسانی ڈھال بنا کر گھمانے والے بھارتی فوجی افسر کو انتہا پسند مودی سرکار نے اعزاز سے نوازا تھا۔

گشت کے ساتھ ساتھ جیپ سے اعلان بھی نشر کیا جاتا رہا کہ پتھر مارنے والوں کا ایسا حال ہوگا۔

واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں