site
stats
پاکستان

کشمیرسمیت تمام معاملات پرمذاکرات کیلئےتیار ہیں، سشما سوراج

نئی دہلی : بھارتی وزیرخارجہ سشما سوراج نے کہا ہے کہ پاکستان کے ساتھ بات چیت کیلئےتیار ہیں لیکن تیسرافریق قبول نہیں،، پڑوسی ملک کےساتھ تمام معاملات بات چیت سے حل کرناچاہتےہیں۔

یہ بات انہوں نے اپنے ایک بیان میں کہی، سشما سوراج کا کہنا تھا کہ پاکستان کے ساتھ کشمیر سمیت تمام معاملات مذاکرات کے ذریعے حل کرنا چاہتے ہیں ۔پاکستان سے تعلقات میں اتارچڑھاؤ رہا ہے لیکن بات چیت کے لئے تیارہیں۔

ان کا کہنا تھا کہ پاک بھارت بات چیت میں تیسرا فریق قبول نہیں کریں گے، شملہ معاہدہ اورلاہور ڈکلیئریشن موجود ہے، انہوں نے کہا کہ کشمیر دوطرفہ معاملہ ہے، پاکستان اوربھارت مل کر ہی مسئلہ کشمیر حل کریں گے۔

کشمیر پر پاکستان اوربھارت معاہدوں سےبندھےہیں، اس کا معاملہ دوطرفہ مذاکرات سےہی سلجھایا جاسکتا ہے لیکن دہشت گردی اوربات چیت ایک ساتھ نہیں چل سکتی۔

انہوں نے کہا کہ شنگھائی تعاون تنظیم کے اجلاس میں وزیر اعظم پاکستان میاں محمد نواز شریف اور بھارتی وزیر اعظم نریندر مودی کی ملاقات کے کوئی امکانات نہیں ہیں اور نہ ہی آستانہ میں مودی اورنوازشریف کی کوئی ملاقات پہلے سے طے ہوئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top