The news is by your side.

Advertisement

پاکستان کے سخت فیصلے، بھارت پریشان، تعلقات محدود کرنے پر نظرثانی کی اپیل

دہلی: پاکستان کے دو ٹوک فیصلوں نے بھارت کو پریشان کر دیا، دلی سرکار نے پاکستان سےتعلقات محدود کرنے کے فیصلے پر نظرثانی کی اپیل کر دی.

تفصیلات کے مطابق گزشتہ روز وزیر اعظم کی زیر صدارت قومی سلامتی کونسل کے فیصلوں سے بھارت میں بے چینی دوڑ گئی.

اجلاس میں بھارت کے ساتھ سفارتی تعلقات محدود کرنے اور دو طرفہ تجارت معطل کرنے کا فیصلہ کیا گیا تھا.

بھارتی دفتر خارجہ نے ردعمل دیتے ہوئے کہا کہ پاکستان فیصلے پر نظر ثانی کرے، اس واقعے کا افسوس ہے. دہلی سرکار کے مطابق نارمل سفارتی چینلز کی بحالی کے لئے پاکستان اپنے فیصلے پر ایک بار غور کرے.

خیال رہے کہ پاکستان نے بھارتی سفیر اجے بساریہ کو بھی ملک چھوڑنے کا حکم دے دیا تھا.

یاد رہے کہ آج وزیر اعظم نے سینئر صحافیوں سے گفتگو کرتے ہوئے کہا تھا کہ پاکستان کشمیر کے معاملے پر کوئی سمجھوتا نہیں کرے گا، بی جے پی نازی سوچ رکھنے والی جماعت ہے، نریندر مودی بھارت کے ہٹلر بننا چاہتے ہیں.

وزیر اعظم عمران خان نے کہا کہ بھارت کشمیریوں کا قتل عام کرنا چاہتا ہے، کشمیر کا معاملہ سیکیورٹی کونسل میں اٹھانے کے لئے قانونی جائزہ لے رہے ہیں.

Comments

comments

یہ بھی پڑھیں