The news is by your side.

Advertisement

بینک فراڈ میں ملوث بھارتی تاجر برطانیہ فرار

نئی دہلی: بینک فراڈ میں ملوث ارب پتی بھارتی تاجر برطانیہ فرار ہوگیا، نیرو مودی نے برطانیہ میں سیاسی پناہ لینے کی کوششیں تیز کردیں۔

غیر ملکی خبر رساں ادارے کے مطابق فروری میں نیرو مودی کے بینک فراڈ میں ملوث ہونے کے انکشاف کے بعد سے جوہری مفرور ہے، ان پر بھارت کے بینک کے ساتھ 2.8 بلین روپے کی دھوکا دہی کا الزام ہے۔

برطانوی حکام کے مطابق مودی نے برطانیہ میں سیاسی دشمنی پر کارروائیوں کا نشانہ بنائے جانے کی بنیاد پر پناہ کی درخواست دے رکھی ہے۔

دوسری جانب بینک کو دھوکا دینے کے لیے جعلی کاغذات کی تیاری کے الزام کے تحت 25 افراد کو حراست میں لیا گیا ہے۔

مودی بھارت کی امیر ترین شخصیات میں سے ایک ہے، فوربز کی جانب سے جاری کردہ فہرست میں ان کی دولت کا تخمینہ 1.73 بلین ڈالر لگایا گیا ہے، جس کے بعد انہیں بھارت کا 85 واں امیر ترین شخص قرار دیا گیا۔

دھوکا دہی کا یہ کیس ایسے وقت میں سامنے آیا جب بھارتی حکومت بینکوں کے قرض دہندہ اداروں کے واجب الادا قرضہ جات اتارنے کی کوششوں میں ہے۔

دوسری جانب ایک اور بھارتی مشہور تاجر وجے مالیا پر بھی قرضوں کی عدم ادائیگی کا الزام ہے اور بھارت ان کوششوں میں ہے کہ 2017 سے برطانیہ میں مقیم وجے مالیا کو بھارت کے حوالے کیا جائے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں