کراچی : 15 سال بعد بھارتی لڑکی گیتا کے والدین کا پتہ چل گیا، فیصل ایدھی نے کہا ہے کہ گیتا چھبیس اکتوبر کو اپنے اہلِ خانہ کے پاس بھارت چلی جائیں گی.
ہندوستان کے بارڈ ر پر بھٹک کر پاکستان آ نے والی گیتا نے اپنے والدین کو پہچان لیا ہے، گیتا کے خاندان میں باپ، سوتیلی ماں اور بھائی بہن شامل ہیں، جن کا تعلق بہار سے ہے۔
گویائی اور سماعت سے محروم گیتا بارڈر کے قریب مندر میں اپنے والدین کیساتھ آئی تھی، بھیڑ میں گیتا اپنے گھروالوں سے بچھڑ کر پاکستان بارڈر پار کر گئی، جہاں پولیس نے گیتا کو پکڑ کر ایدھی کے حوالے کردیا تھا، گیتا پندرہ سال سے ایدھی فاؤنڈیشن میں مقیم ہے ،جہاں اس کا بھرپور خیال رکھا گیا ۔
فیصل ایدھی کا کہنا ہے کہ گیتا گھروالوں کا پتہ چلنے پر بے حد خوش ہیں.
بھارتی وزیرخارجہ سشما سوراج نے ٹوئٹ کرتے ہوئے تصدیق کی کہ گیتا کا خاندان مل گیا ہے، بہت جلد بھارت واپس آئے گئی، سشما سوراج نے کہا کہ ڈی این اے ٹیسٹ کے بعد گیتا کو اس کے خاندان کے حوالے کیا جائے گا.
Geeta will be back in India soon. We have located her family. She will be handed over to them only after the DNA test.#Geeta
— Sushma Swaraj (@SushmaSwaraj) October 15, 2015
گیتا نے اے آروائی نیوز کے نمائندے کو ملاقات میں اشاروں سے سمجھایا، کاغذائی کارروائی مکمل ہونے کے بعد گیتا کو بھارت اسی ماہ کے آخرتک بھارت بھیجے جانے کا امکان ہے۔
