The news is by your side.

Advertisement

کرونا سے 4 لاکھ اموات کے بھارتی حکومت کے اعداد و شمارغلط اور گمرہ کن قرار

نئی دہلی : مودی سرکار نے کرونا وائرس کے اعداد و شمار جاری کرنے میں بھی مسلسل گمراہ کن جھوٹ کا سہارا لیا، جھوٹ بولنے میں وزیراعظم نریندر مودی پیش پیش رہے۔

پلوامہ ہو یا رافیل، اقلیتیں ہوں یا پڑوسی ممالک میں جاسوسی کی کارروائیاں، بھارتی وزیراعظم نریندر مودی نے ہمیشہ اپنی عوام کو گمراہ کیا حتیٰ کہ کرونا کے گمراہ کن اعداد و شمار جاری کرنے میں بھی مودی پیش پیش رہے۔

امریکی سینٹر آف گلوبل اسٹڈی رپورٹ میں مودی حکومت کا ایک اور جھوٹ بےنقاب کردیا، رپورٹ میں کرونا وائرس سے 4 لاکھ 15 ہزار اموات کے بھارتی حکومت کے اعداد و شمار کو غلط اور گمراہ کن قرار دیا گیا ہے۔

رپورٹ میں بتایا گیا ہے کہ بھارت میں کرونا وائرس سے اموات 34 لاکھ سے 47 لاکھ کے درمیان ہیں اور کرونا وائرس سے ہونے والی یہ ہلاکتیں بھارتی تاریخ کا سب سے بڑا انسانی المیہ ہے۔

امریکی سینٹرآف گلوبل اسٹڈی نے اپنی رپورٹ میں کہا کہ وبا کے اوائل سے رواں برس جون تک کے اعداد و شمار کو مدنظر رکھتے ہوئے اور بھارت کی مختلف ریاستوں کے اصل اعداد و شمار حاصل کرکے رپورٹ تیار کی گئی۔

واضح رہے کہ پہلے بھی عالمی ادارے مودی حکومت کو غلط اعداد و شمار دینے پر بے نقاب کرچکے ہیں، جھوٹ کے سہارے چلنے والی مودی سرکاری کی کارکردگی عوام کےلیے سوالیہ نشان ہے۔

Comments

یہ بھی پڑھیں