نئی دہلی : مہاتما گاندھی کے پوتے نے مقبوضہ کشمیر میں جاری بھارتی مظالم کے خلاف آواز اٹھاتے ہوئے کہا کہ آرٹیکل 370 کے خاتمے کی کسی کشمیری نے حمایت نہیں کی۔
تفصیلات کے مطابق مہاتما گاندھی کے پوتے راج موہن گاندھی بھی کشمیر پر جاری بھارتی مظالم کے خلاف بول پڑے، راج موہن گاندھی نےکشمیرپربھارت کے حالیہ اقدام کیخلاف امریکی شہراربانا میں احتجاج کرتے ہوئے کہا کہ بھارتی حکومت کااقدام غیرآئینی اور غیرقانونی ہے۔
راج گاندھی کا کہنا تھا کہ بھارتی حکومت کےاچانک کشمیرکےغیرآئینی تسلط کی مخالفت کرتاہوں،پوری وادی کشمیر کا بھارتی فوج نے محاصرہ کر رکھاہے۔
پروفیسر راج موہن گاندھی نے اربانا میں احتجاجی مظاہرے سے خطاب کرتے ہوئےکہا کہ مقبوضہ کشمیر کے حالات نےبھارتی جمہوریت پر سوال اٹھادیے ہیں۔
واضح رہے کہ بھارت کے وزیر داخلہ اور بی جے پی کے صدر امیت شاہ نے بھارتی ایوان بالا میں مقبوضہ کشمیر کی خصوصی حیثیت کے حوالے سے آرٹیکل 370 کو ختم کرنے کے لیے بل پیش کرتے ہوئے کہا تھا کہ صدر رام ناتھ کووند پہلے ہی اس بل پر دستخط کرچکے ہیں۔
