The news is by your side.

Advertisement

متحدہ عرب امارات، 2 سالہ بچی ٹریفک حادثے میں جاں بحق

دبئی: متحدہ عرب امارات کی ریاست راس الخیمہ میں خوفناک ٹریفک حادثے میں 2 سالہ بچی جاں بحق ہوگئی اور اس کے والدین زخمی ہوگئے۔

تفصیلات کے مطابق متحدہ عرب امارات کی ریاست راس الخیمہ میں ٹریفک حادثے کے نتیجے میں مسجد کے پیش امام کی 2 سالہ بیٹی جاں بحق ہوگئی جبکہ پیش امام اور ان کی اہلیہ زخمی ہیں۔

پولیس کے مطابق حادثہ راس الخیمہ کے چھ کلو میٹر دوری پر پیش آیا، گاڑی تیز رفتاری کے سبب متعدد بار قلابازیاں کھاتی ہوئی دور جاگری۔

حادثہ 14 جون کو پیش آیا، دو سالہ معصوم بچی زلفا زخموں کی تاب نہ لاتے ہوئے گزشتہ روز انتقال کرگئی جبکہ ان کے والدین کو سقر اسپتال میں طبی امداد فراہم کی جارہی ہے۔

مزید پڑھیں: دبئی میں خوفناک ٹریفک حادثہ، دو پاکستانی سمیت 17 ہلاک

ڈاکٹرز کے مطابق زلفا کو ایک ہفتے تک انتہائی نگہداشت کے وارڈ میں رکھا گیا اس کے سر پر گہری چھوٹ لگی جس کے سبب وہ جانبر نہ ہوسکی۔

ڈاکٹرز کے مطابق زلفا کے والدین کی حالت خطرے سے باہر ہیں آئندہ چند روز میں انہیں اسپتال سے ڈسچارج کردیا جائے گا۔

رپورٹ کے مطابق زلفا والدین کی اکلوتی بیٹی تھی، معصوم بچی کی نعش کو ورثا کے حوالے کردیا گیا۔

واضح رہے کہ رواں سال 8 جون کو دبئی میں خوفناک ٹریفک حادثے کے نتیجے میں دو پاکستانی شہری سمیت 17 افراد جاں بحق ہوگئے تھے۔

یاد رہے کہ ابوظبی کے ضلع الفلاح میں عید کے پہلے روز ٹریفک حادثے میں تین بچے اور خاتون جاں بحق ہوگئی تھیں، حادثہ تیز رفتاری کے سبب پیش آیا تھا۔

Comments

comments

یہ بھی پڑھیں