انڈین جیلوں میں 518پاکستانی قید، بھارت کو فہرست فراہم -
The news is by your side.

Advertisement

انڈین جیلوں میں 518پاکستانی قید، بھارت کو فہرست فراہم

اسلام آباد: پاکستان نے بھارتی جیلوں میں قید اپنے 518 شہریوں کی فہرست بھارت وزرات خارجہ کو فراہم کردی اور مطالبہ کیا ہے کہ ان کی رہائی کے لیے جلد اقدامات کیے جائیں۔

ترجمان دفتر خارجہ کے مطابق بھارتی جیلوں میں برسوں سے قید 518 پاکستانی شہریوں کی فہرست بھارت کو پاکستانی ہائی کمیشن کے ذریعے فراہم کردی ہے جس کے مطابق 518 قیدیوں میں سے 463 ماہی گیر ہیں، فہرست کی فراہمی کا عمل 2008ء کے کونسلر ایکسس معاہدے کے تحت کیا گیا ہے۔

ترجمان دفتر خارجہ کا کہنا ہے کہ بھارتی حکومت بھی اپنی جیلوں میں قید پاکستانی شہریوں کی فہرست ہمیں‌ جلد فراہم کرے گی جس کا تقابل کیا جائے گا۔

واضح رہے کہ دونوں‌ ممالک میں ایک دوسرے کے سیکڑوں شہری قید ہیں‌ جن میں بڑی تعداد ماہی گیروں‌ کی ہے جو سمندری حدود کی نشاندہی نہ ہونے کے سبب دوسرے ملک کی حدود میں‌ داخل ہوجاتے ہیں‌ جہاں‌ سمندری حدود کی خلاف ورزی پر میری ٹائم سیکیورٹی کے اہلکار انہیں‌ پکڑ کر لے جاتے ہیں۔

یہاں یہ بات بھی واضح رہے کہ پاکستانی بھارتی ماہی گیروں کو رہا کرنے میں بھارت سے کہیں زیادہ آگے ہیں تاہم بھارتی حکام حراست میں لیے گئے پاکستانی ماہی گیروں کو چھوڑنے  میں پس وپیش سے کام لیتے ہیں اور اکثر ماہی گیروں کو آئی ایس آئی کا ایجنٹ قرار دے کر مستقل طور پر جیلوں میں ڈال دیا جاتا ہے۔

Comments

comments

یہ بھی پڑھیں