نئی دہلی: بھارتی ریاست کرناٹک میں ایک سرکاری ملازم نے خاتون ساتھی ورکر کو روزے کی حالت میں تشدد کا نشانہ بنا ڈالا۔
سی سی ٹی وی پر ریکارڈ ہوجانے والا یہ واقعہ کرناٹک کے شہر رائیچر میں پیش آیا۔ سرکاری ملازم نے مبینہ طور پر خاتون ورکر کو دیر سے آنے پر تشدد کا نشانہ بنایا۔
نسرین نامی یہ خاتون روزے سے تھیں اور اپنے دیر سے آنے کی وضاحت بھی پیش کرچکی تھیں، تاہم انہیں تشدد کا نشانہ بنانے والے شخص نے کسی قسم کا اختیار نہ ہونے کے باوجود شدید غصے کا اظہار کیا اور بعد ازاں اٹھ کر نسرین کو لات دے ماری۔
واقعے کے بعد خاتون فوری طور پر آفس سے نکل کر قریبی پولیس اسٹیشن گئیں جہاں انہوں نے واقعے کی شکایت درج کروا دی۔
سی سی ٹی وی ریکارڈنگ دیکھنے کے بعد پولیس نے مذکورہ شخص کو گرفتار کرلیا جبکہ دفتر انتظامیہ نے بھی اسے فوری طور پر نوکری سے فارغ کردیا۔
#CAUGHTONCAM: Sindhanur City Municipal Council employee kicks a woman colleague, in Karnataka’s Raichur. Accused arrested, case registered. pic.twitter.com/X2lYckClXI
— ANI (@ANI_news) June 13, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔