ویتنام میں ڈاکٹرز نے حال ہی میں ایک بھارتی نوجوان کی اس وقت جان بچالی جب اس کے پیٹ سے بام مچھلی برآمد ہوئی جو کہ آنتوں کو شدید نقصان پہنچا چکی تھی۔
غیر ملکی میڈیا رپورٹ کے مطابق ویتنام کے دارالحکومت ہنوئی کے ویت ڈک اسپتال کے ڈاکٹروں نے حال ہی میں ایک غیر ملکی شہری کے پیٹ سے زندہ بام مچھلی کو نکالا ہے۔
رپورٹ کے مطابق 31 سالہ بھارتی شہری کو پیٹ میں شدید درد ہوا جس کے بعد اسے ویتنام کے اسپتال کے ایمرجنسی روم میں لایا گیا۔
- Advertisement -
میڈیا رپورٹس کے مطابق ویتنام کے ڈاکٹرز نے ہنگامی سرجری کر کے ایک بھارتی نوجوان کی جان بچائی ہے، بام مچھلی شہری کی آنتوں کو کاٹ کر اس کے پیٹ میں داخل ہو گئی تھی۔
ڈاکٹروں کا کہنا تھا کہ ہم نے لوگوں کے جسموں میں بہت سی چیزیں دیکھی ہیں لیکن ایک زندہ بام مچھلی کبھی نہیں دیکھی۔
