The news is by your side.

Advertisement

بھارت کے دانشور اور صحافیوں کی انتخابات تک ٹی وی چینلز کے بائیکاٹ کی مہم شروع

عوام جمہوریت بچانے کیلیے دو ماہ تک نیوز چینلز نہ دیکھیں، سدھارتھ، اپنے گھروں کو منافرت سے بچائیں، ساگاریکا

نئی دہلی : پاک بھارت کشیدگی کو بلاجواز ہوا دینے والے بھارتی میڈیا سے ہندوستان کے دانشور بدظن ہوگئے، لوک سبھا کے انتخابات تک نیوز چینل کے بائیکاٹ کی مہم شروع کردی گئی۔

تفصیلات کے مطابق پلوامہ حملے کے بعد بھارتی میڈیا بد حواسی کا شکار ہے اور وہ اپنی نااہلی کا الزام مسلسل پاکستان پر تھوپنے کی کوششوں میں مصروفِ عمل ہے، بھارتی میڈیا کی اوٹ پٹانگ رپورٹنگ اور طرز عمل سے بھارتی عوام بھی نالاں دکھائی دے رہے ہیں۔

بھارت کے ممتاز دانشوروں اور صحافیوں نے ٹویٹر پر اپنے فالورز سے انڈین میڈیا کے بائیکاٹ کی اپیل کی ہے، بائیکاٹ کی مہم چلانے والوں میں ممتاز بھارتی صحافی اور دانشور ساگاریکا گھوش اور دی ہندو اخبار کے سابق ایڈیٹر سدھارتھ وراد اراجن بھی شامل ہیں۔

سدھارتھ کا کہنا ہے کہ عوام بھارت میں جمہوریت بچانے کے لیے دو ماہ تک نیوز چینل نہ دیکھیں۔ جبکہ ساگاریکا نے کہا ہے بھارتی نیوز چینل نہ دیکھنے سے آپ کو بلڈ پریشر نہیں بڑھے گا۔

مزید پڑھیں: بھارتی میڈیا کی بدحواسی عروج پر، پاکستان کو ٹماٹر فروخت نہ کرنے کے فیصلے کو بریکنگ نیوز بنا دیا

اپنے گھر کو نفرت اور منافرت سے بچاسکیں گے، ایک صارف نے لکھا ہے انڈین میڈیا سیاہ کو سفید دکھاتا ہے۔

Comments

comments

یہ بھی پڑھیں