The news is by your side.

Advertisement

بھارتی میڈیا کی بدحواسی عروج پر، پاکستان کو ٹماٹر فروخت نہ کرنے کے فیصلے کو بریکنگ نیوز بنا دیا

ممبئی: پلوامہ حملے کے بعد بھارتی میڈیا کی بدحواسی عروج پر پہنچ گئی، بھارتی ٹماٹر پاکستان کو فروخت نہ کرنے کے فیصلے کو بریکنگ نیوز بنا دیا۔

تفصیلات کے مطابق پلوامہ حملے کے بعد جہاں مودی سرکار پاکستان کے خلاف ہرزہ سرائی میں مصروف ہے، وہیں عوام بھی حکومتی رنگ میں رنگ گئے۔ بھارتی کسانوں نے اعلان کر دیا کہ ہم پاکستان کو ٹماٹر برآمد نہیں کریں گے۔

اس خبر کو بھارتی میڈیا نے خوب اچھالا اور بھارت کی پاکستان کےخلاف بڑی کارروائی قرار دے کر شور مچانا شروع کر دیا، بھارتی میڈیا نے کہا کہ پاکستان ہمارے ٹماٹر کھا کر ہم پر حملہ کرتا ہے، اب پاکستان کو ٹماٹر دینےسے انکار کرتے ہیں۔

مزید پڑھیں: بھارتی بد حواسیوں کا سلسلہ تھم نہیں سکا، راؤلاکوٹ پونچھ بس سروس معطل کر دی

یاد رہے کہ پلوامہ حملے کے بعد بھارتی میڈیا توازن کھو بیٹھا اور بنا شواہد پاکستان پر تنقید کر نے لگا۔ بھارتی میڈیا کی جانب سے پاکستان پر حملے کرنے کے مضحکہ خیز بیانات بھی سامنے آئے ہیں۔

گذشتہ روز بھارتی حکام نے آزاد کشمیر اور مقبوضہ کشمیر کے درمیان پونچھ راؤلاکوٹ بس سروس معطل کر دی تھی۔

خیال رہے کہ راجستھان کی عدالت نے آج پاکستانیوں کو 48گھنٹےمیں راجستھان چھوڑنے کا حکم دیا  ہے،جب کہ انتطامیہ نے پاکستانیوں کو ملازمت پر  رکھنے  اور تجارت کرنے پربھی پابندی لگا دی ہے۔

Comments

comments

یہ بھی پڑھیں