The news is by your side.

Advertisement

نریندر مودی کا عمران خان کو فون بھارتی میڈیا کی شہ سرخی بن گیا

کراچی: بھارتی وزیراعظم نریندر مودی کا عمران خان سے ٹیلی فونک رابطہ بھارتی اخبارات اور نشریاتی اداروں کی شہ سرخی بن گیا.

تفصیلات کے مطابق بھارتی وزیراعطم کی جانب سے پاکستان تحریک انصاف کے چیئرمین کو الیکشن کی جیت پر مبارک باد دینے کی خبر کو بھارتی میڈیا نے خصوصی اہمیت دی.

بھارت کے تمام بڑے اخبارات اور ٹی وی چینلز نے اس بڑی خبر کو شہ سرخیوں میں جگہ دی.

ہندوستان ٹائمز نے لکھا کہ مودی نے عمران خان کو جیت پر مبارک باد دی اور کہا کہ پاکستان میں اب جمہوریت کی جڑیں گہری ہوں گی.

انڈین ایکسپریس کے مطابق فون پر دونوں نے خطے میں امن اور ترقی کے معاملہ پر تبادلہ خیال کیا، دکن کرونیکل پر بھی خبرنمایاں رہی.

یاد رہے کہ گذشتہ روز بھارتی وزیراعظم نے فون پرعمران خان سے نیک خواہشات اورپاکستان کی نئی حکومت کے ساتھ تعاون کی بات کی تھی.

واضح رہے کہ عالمی رہنماؤں کی جانب سے عمران خان کوانتخابات میں کامیابی پر مبارک باد کا سلسلہ جاری ہے، کل چیئرمین تحریک انصاف کو مالدیپ کے صدرعبداللہ یامین نے فون پر مبارک باد دی۔ چینی سفیر نے بھی تحریک انصاف کے چیئرمین عمران خان سے بنی گالا میں خصوصی ملاقات کی۔


نریندر مودی کا عمران خان کو فون، جیت پر مبارک باد، تعلقات کے نئے دور کے آغاز کا عزم


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں