The news is by your side.

Advertisement

بھارتی میزائل گرنے کا واقعہ : امریکہ کا تبصرے سے انکار

واشنگٹن : امریکا نے پاکستان میں بھارتی میزائل گرنے کے معاملے پر تبصرے سے انکار کردیا ہے، اس حوالے سے ترجمان امریکی محکمہ خارجہ نیڈ پرائس نے کہا ہے کہ بھارتی وزارت دفاع نے واقعے کو حادثہ قراردیا ہے۔

واشنگٹن میں میڈیا سے گفتگو کرتے ہوئے نیڈ پرائس نے کہا کہ میزائل گرنے کے معاملے پر اس سے زیادہ کچھ نہیں کہہ سکتے۔

اس کے علاوہ نیڈ پرائس نے بھارت میں یورینیم چوری کے واقعہ سے اظہار لاعلمی کرتے ہوئے کہا کہ بھارت میں یورینیم چوری اور اس سلسلے میں ہونے والی گرفتاریوں کا علم نہیں ہے۔

ترجمان امریکی محکمہ خارجہ کا کہنا تھا کہ جوہری ممالک کے ساتھ نیوکلیئر سیفٹی پر گفتگو ہوتی رہتی ہے۔

امریکی عہدیدار نے مزید کہا کہ یوکرین پر روسی جارحیت کی 141ممالک نے مذمت کی ہے، روسی جارحیت کے معاملے پرامریکا جنوبی ایشیا میں اتحادیوں سے بھی رابطے میں ہیں۔

خیال رہے کہ 9مارچ کو ایک انہونا اور خطرناک واقعہ ہوا تھا، بھارت سے ایک سپرسانک میزائل 250 کلومیٹر کا فاصلہ طے کرکے پاکستان میں گرا تھا، بھارتی میزائل 40 ہزار فٹ کی بلندی پر پرواز کرتے ہوئے پاکستانی علاقے میں گرا تھا۔

Comments

یہ بھی پڑھیں