ماسکو: پاک بھارت تنازع میں پڑوسی ملک کی ہٹ دھرمی برقرار ہے، روس کی ثالثی کے امکان کو بھارت نے رد کر دیا.
تفصیلات کے مطابق پاکستان اور بھارت کے درمیان کشیدگی میں اضافے کے بعد یہ امکان سامنے آیا تھا کہ روس اس ضمن میں کردار ادا کرے گا. پاکستانی وزیر خارجہ نے بھی روسی عہدے داروں سے رابطوں کا عندیہ دیا.
[bs-quote quote=” پاک بھارت صورت حال پہلے سے ہی تیزی سے مستحکم ہورہی ہے” style=”style-8″ align=”left” author_name=”روس میں تعینات بھارتی سفیر”][/bs-quote]
البتہ بھارت کے روس میں تعینات سفیر ونکاتش ورما نے اپنے انٹرویو میں اس امکان کو یک سر رد کر دیا، سفیر نے کہا کہ پاکستان اور بھارت کےدرمیان کشیدگی کم ہوتی دکھائی دےرہی ہے۔
ونکاتش ورما نے اپنے انٹرویو میں کہا کہ پاک بھارت صورت حال پہلے سے ہی تیزی سے مستحکم ہورہی ہے، بھارت کشیدگی ختم کرنے کے لئے کسی ملک نے ثالثی کی پیشکش نہیں کی.
بھارتی سفیر نے کہا کہ نریندر مودی اور روسی صدر پیوٹن میں فون پر بات چیت ہوئی، دونوں رہنماؤں کے درمیان ثالثی پر بات چیت نہیں ہوئی.
یاد رہے کہ پلوامہ حملے کے بعد پاک بھارت تعلقات میں کشیدہ ہوگئے تھے، جو بعد ازاں بھارتی در اندازی اور نفرت انگیزی پروپیگنڈے کے بعد مزید بگڑ گئے.
خیال رہے کہ پاکستان نے فضائی حدود کی خلاف ورزی کرنے والے دو بھارتی طیارے مار گرائے اور ایک بھارتی پائلٹ کو گرفتار کرلیا، جسے جذبہ خیر سگالی کے تحت بعد ازاں رہا کر دیا گیا.
