site
stats
حیرت انگیز

آئن اسٹائن اور اسٹیفن ہاکنگ سے زیادہ ذہین لڑکی

لندن : برطانیہ میں بھارتی نژاد 12 سالہ لڑکی نے ذہانت کے ٹیسٹ میں معروف سائنس دانوں اسٹیفن ہاکنگ اور البرٹ آئن اسٹائن کو پیچھے چھوڑ دیا۔

غیرملکی میڈیا کے مطابق برطانیہ میں مقیم 12 سالہ بچی نے عالمی تنظیم مینسا کے آئی کیو ٹیسٹ میں 162 پوائنٹ حاصل کرکے البرٹ آئن اسٹائن اور اسٹیفن ہاکنگ جیسے سائنسدانوں کو شکست دیدی۔

بھارتی نژاد لڑکی کا اسکور بیسویں صدی کے طبیعات دان آئن اسٹائن اور نامور سائنس دان اسٹیفن ہاکنگ سے دو پوائنٹس زیادہ ہے۔

راج گوری پوار برطانیہ کے علاقےچیسشائر سے تعلق رکھتی ہے تاہم ان کے والدین کا تعلق بھارت سے ہے، راج گوری پروار کے والد ڈاکٹر سوراج کمار پروار مانچسٹر یونیورسٹی میں سائنس دان ہیں۔

بھارتی اخبار کے مطابق یہ نتائج حاصل کرنے کے بعد راج گوری کو بلند آئی کیو والے افراد کی سوسائٹی ‘مینسا سوسائٹی’ کا رکن بنالیا ہے، مینسا نے دعوی کیا کہ راج گوری ان 20 ہزار افراد میں شامل ہوگئی ہے، جنھوں نے اتنا زیادہ اسکور حاصل کیا۔

گزشتہ ماہ راج گوری پوار نے مانچسٹر میں آئی کیو ٹیسٹ دیا اور اٹھارہ سال سے کم زیادہ سے زیادہ اسکور حاصل کرنے والی بچی کا اعزاز بھی اپنے نام کیا۔

واضح رہے کہ آئی کیو ٹیسٹ میں انتہائی ذہانت کی حد 140 پوائنٹ ہے اور اندازے کے مطابق البرٹ آئن اسٹائن اورا سٹیفن ہاکنگ کا آئی کیو 160 پوائنٹ تک ہے۔

خیال رہے کہ مینسا ذہین افراد کی ایک پرانی اور معتبر تنظیم ہے جس کی رکنیت حاصل کرنے کے لیے عمر کی کوئی قید نہیں ہے۔ ‘مینسا’ کے مطابق عام طور پر ایک عام آدمی کا آئی کیو اسکور 70 سے 100 کے قریب ہوتا ہے جب کہ 140 سے زیادہ اسکور کرنے والوں کو جینئس کے زمرے میں شامل کیا جاتا ہے۔

دنیا بھر میں مینسا کے اراکین کی مجموعی تعداد 110,000 ہے جن میں سے برطانوی مینسا کے 20,000 اراکین ہیں۔ مینسا میں 8 فیصد اراکین 16 برس سے کم عمر ہیں جن میں سے 35 فیصد اراکین خواتین ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top