The news is by your side.

Advertisement

بھارتی طیاروں نے پاکستان کے 19 کروڑ روپے کے درخت گرائے، محکمہ جنگلات

بالاکوٹ : بھارتی طیاروں کے بالاکوٹ پر پے لوڈ گرانے سے درختوں کو پہنچنے والا نقصان انیس کروڑ سے زیادہ ہے، محکمہ جنگلات نے حتمی رپورٹ مکمل کرلی۔

تفصیلات کے مطابق بھارتی طیاروں نے پاکستانی ٖفضائی حدود کی خلاف کرتے ہوئے اپنا پے لوڈ بالاکوٹ کی پہاڑی پر گرا دیا تھا جس کے باعث وہاں پر موجود درختوں کو کافی حد تک نقصان پہنچا۔

اس حوالے سے ہے، محکمہ جنگلات نے حتمی رپورٹ مرتب کی ہے جس میں کہا گیا ہے کہ پے لوڈ گرانے سے درختوں کو پہنچنے والا نقصان انیس کروڑ روپے سے زیادہ ہے۔

محکمہ جنگلات نے نقصان کی حتمی رپورٹ مکمل کرکے حکومت کو ارسال کر دی ہے، اس کے علاوہ اقوام متحدہ، ڈبلیو ڈبلیو ایف اور دیگر عالمی ماحولیاتی اداروں کے مبصرین آج جابہ کا دورہ کریں گے اور بھارتی بمباری سے جنگلات اور ماحول کو پہنچنے والے نقصان کی رپورٹ مرتب کریں گے۔

مزید پڑھیں : بھارتی طیاروں نے پے لوڈ کہاں گرائے؟ خصوصی مناظر اے آر وائی نیوز پر

محکمہ جنگلات ذرائع کے مطابق بالاکوٹ جابہ میں بھارتی پے لوڈ گرائے جانے سے چیڑ کے انیس قیمتی درختوں کو نقصان پہنچا جبکہ اطراف کے دیگر درخت جزوی متاثر ہوئے، بھارتی پے لوڈ سے محکمہ جنگلات کو انیس کروڑ روپے سے زائد کا نقصان ہوا۔

Comments

comments

یہ بھی پڑھیں