ٹی ٹوئنٹی ورلڈکپ کے سیمی فائنل میں انگلینڈ سے شکست کے بعد بھارتی کرکٹرز کا ردعمل سامنے آگیا۔
گزشتہ روز بھارتی کرکٹ ٹیم کےکپتان روہت شرما نے ٹی ٹوئنٹی ورلڈکپ کے سیمی فائنل میں انگلینڈ کے ہاتھوں 10 وکٹوں سے شکست کا سارا ملبہ بولرز پر ڈال دیا۔
روہت شرما نے کہا کہ تھا کہ بہت زیادہ دباؤ والا میچ تھا، ہینڈل کرنے کی صلاحیت نہیں تھی، آج کی شکست سے زیادہ مایوسی ہوئی، ہم اپنے پلان کے مطابق نہیں چل سکے۔
بھارتی کپتان کا کہنا تھا کہ بھارتی بولرز نے بولنگ کا آغاز اچھا نہیں کیا، میرا اب بھی خیال ہے کہ بیٹرز نے اچھی بیٹنگ کی تاہم بولنگ میں ہم ناکام رہے، یہ ایسی وکٹ نہیں تھی کہ اس پر اتنا اسکور 16 اوورز میں پورا کیا جاسکے۔
دوسری جانب بھارتی ٹیم کے ویرات کوہلی نے ٹوئٹ میں اپنا ردعمل دیتے ہوئے مایوسی کا اظہار کیا۔
انکا کہنا تھا کہ آسٹریلین خطے کو کچھ خواب حاصل کرنے اوردلوں میں مایوسی کے ساتھ چھوڑ رہے ہیں، بھارتی کرکٹر نے ٹیم کے ساتھ آسٹریلیا میں گزارے گئے لمحے ہمیشہ یاد رکھوں گا۔
We leave Australian shores short of achieving our dream and with disappointment in our hearts but we can take back a lot of memorable moments as a group and aim to get better from here on. pic.twitter.com/l5NHYMZXPA
— Virat Kohli (@imVkohli) November 11, 2022
اس کے علاوہ بھارتی آل راؤنڈر ہاردک پانڈیا نے بھی سیمی فائنل ہارنے کے بعد ٹوئٹر پر ایک جذباتی ٹوئٹ کی ہے جس میں انہوں نے ٹی ٹوئنٹی ورلڈ 2022 ایونٹ میں لی گئی کچھ تصویر شئیر کی ہے۔
ٹوئٹ میں انہوں نے لکھا کہ ٹوٹے ہوئے ، شدید اداس، زخمی، جسے قبول کرنا ہم سب کے لیے مشکل ہے لیکن میں نے اپنی ٹیم کی اس باؤنڈ کو انجوائے کیا جسے ہم نے ترتیب دیا ہم ہر قدم پر ایک دوسرے کے لیے لڑے۔
آل راؤنڈر نے اپنی ٹوئٹ میں مزید لکھا کہ سپورٹنگ اسٹاف کا شکریہ جنہوں نے مہینوں ہمیں محنت اور لامتناہی لگن کے ساتھ سپورٹ کیا۔
Devastated, gutted, hurt. Tough to take, for all of us. To my teammates, I’ve enjoyed the bond that we built – we fought for each other every step of the way. Thank you to our support staff for their endless dedication and hardwork for months on end. pic.twitter.com/HlVUC8BNq7
— hardik pandya (@hardikpandya7) November 10, 2022
بھارتی کھلاڑی نے اپنی ٹوئٹ میں سپورٹ کرنے والے مداحوں کے لیے بھی چند تصاویر شیئر کیں اور لکھا کہ ہم مداحوں کے سپورٹ پر ان کے شکر گزار رہیں گے، ایسا نہیں ہونا تھا لیکن ہم غور کریں گے اور لڑتے رہیں گے۔
واضح رہے کہ ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دے کر فائنل کے لیے کوالیفائی کرلیا ہے۔