The news is by your side.

Advertisement

ہزاروں مسلمانوں کے قاتل مودی کو امن کا ایوارڈ کس نے دیا؟

سیئول : بین الااقوامی تعاون اور عالمی معیشت کو فروغ دینے پر ہزاروں انسانوں کے قاتل بھارتی وزیر اعظم نریندر مودی کو ساوتھ کوریا نے امن ایوارڈ 2018 سے نواز دیا۔

تفصیلات کے مطابق ساؤتھ کوریا کے دارالحکومت میں سیئول امن ایوارڈ 2018 کی رنگا رنگ تقریب منعقد ہوئی جس میں امن ایوارڈ حاصل کرنے والے مودی کی زندگی اور وزارت اعظمیٰ تک کے سفر  کی ایک مختصر فلم بھی دکھائی گئی۔

سیئول ایوارڈ کمیٹی کا کہنا ہے کہ نریندر مودی کو بھارت اور عالمی معیشت کو فروغ دینے اور امیر و غریب کے درمیان سماجی اور اقتصادی تفاوت کو کم کرنے کےلیے تیار کی گئی کتاب ’مودی نومکس‘ پر دیا گیا ہے۔

ایوارڈ کمیٹی کا کہنا ہے کہ مودی نے خطے اور دنیا بھر کے ممالک کے درمیان امن و امان کے قیام کےلیے کوششیں کی ہیں۔

دوسری جانب بھارتی صحافیوں نے مودی کو امن ایوارڈ ملنے پر اظہار برہمی کرتے ہوئے کئی سوالات اٹھا دئیے، بھارتی صحافی راج دیپ نے سوال کیا کہ کیا مودی کشمیریوں کے خلاف کارروائی کی مذمت بھی کریں گے۔

مزید پڑھیں : بھارت میں کشمیری طالب علم شیو سینا کے تشدد کا نشانہ بن گیا 

بھارتی صحافیوں نے کہا کہ اگر مودی ہجوم کے ہاتھوں کشمیری کے بہیمانہ قتل کی مذمت کریں کو ان کی تعریف کریں گے، کیا مودی کےلیے مذمت کرنا ممکن ہے؟

بھارتی صحافی ساگریکا گھوش کا کہنا تھا اگر مودی امن پسند ہوتے اور امن پر کام کرتے، اپنے وزیر کے ہاتھوں قاتلوں کو ہار پہنانے کی مذمت کرتے تو تعریف کی جاتی۔

Comments

comments

یہ بھی پڑھیں