The news is by your side.

Advertisement

بھارتی شاعر “گلزار” سے پاک بھارت کشیدگی پر سوال کرنا صحافی کو مہنگا پڑگیا

نئی دہلی: معروف بھارتی شاعر نے فلم ’’مٹو پتلو کنگ آف کنگز‘‘ کے میوزک لانچنگ کی تقریب کے دوران پاک بھارت کشیدگی پر بھارتی صحافی کی جانب سے پوچھے گئے سوال کے جواب میں سخت ناراضی کا اظہار کیا۔

تفصیلات کے مطابق نئی آنے والی انیمیٹڈ فلم ’’مٹو پتلو کنگ آف کنگز‘‘ کے میوزک لانچنگ تقریب کے دوران جنگی جنون میں مبتلا صحافی پر اُس وقت سخت اظہارِ برہمی کا اظہار کیا جب اُس نے پاک بھارت کشیدگی کے حوالے سے سوال پوچھا۔

پاکستان اور بھارت کی کشیدگی کے حوالے سے پوچھے گئے سوال کے جواب میں بھارتی شاعر گلزار نے سخت برہمی میں صحافی کو جواب دیتے ہوئے کہا کہ ’’کیا آپ کا سوال تقریب کی مناسبت سے ہے؟ یہ تقریب فوجیوں پر نہیں بلکہ مٹو پتلو کی ہے‘‘۔

بھارتی شاعر نے خاتون صحافی کو مخاطب کرتے ہوئے کہا کہ ’’اگر شادی میں فرنٹیئر کی بات کی جائے تو کیا یہ مناسب ہے یا اگر فرنٹیئر میں شادی کی بات کی جائے تو کیا یہ ٹھیک ہوگا؟‘‘۔صحافی کی جانب سے مسلسل غیر ضروری سوال کرنے پر بھارتی شاعر گلزار تقریب سے روانہ ہوگئے۔

یاد رہے اڑی سیکٹر پر حملے کے بعد سے پاک بھارت تعلقات میں کشیدگی کے بعد ہندو انتہاء پسندوں کی جانب سے پاکستانی فنکاروں کو دھمکیاں دی گئیں اور فوری طور پر بھارت چھوڑنے کا کہا گیا تھا۔

پڑھیں:  شیو سینا کا سلمان خان کو پاکستان چلے جانے کا مشورہ

 ہندو انتہاء پسندوں کی دھمکیوں کے بعد بالی ووڈ اسٹار سلمان خان نے پاکستانی فنکاروں کے حق میں بیان دیا تو انہیں بھی انتہاء پسندوں کی جانب سے سنگین نتائج کی دھمکیاں دی گئیں اور پاکستان منتقل ہونے کا مشورہ دیا گیا۔

مزید پڑھیں:  پاکستان کی حمایت میں بیان، اوم پوری کے خلاف مقدمہ درج

علاوہ ازیں بھارتی فنکار اوم پوری کی جانب سے پاکستانی فنکاروں کی حمایت کرنے پر بھارت میں غداری کا مقدمہ درج کیا گیا ہے، جس کے بعد انہوں نے مجبور ہوکر بھارتیوں سے معافی مانگی۔

Comments

comments

یہ بھی پڑھیں