بریلی: بھارتی ریاست اُتر پردیش کے ایک علاقے میں دکان پر بیٹھے لڑکوں کی پاکستانی ملی نغمہ سننے کی ویڈیو وائرل ہونے کے بعد بھارتی پولیس نے دو مسلمان لڑکوں کو گرفتار کر لیا۔
تفصیلات کے مطابق بھارتی پولیس نے پاکستانی ملی نغمہ سننے پر 2 نوجوان مسلمان لڑکوں کو گرفتار کر لیا، مسلمان لڑکوں مستقیم اور نعیم کی ایک ویڈیو وائرل ہوئی تھی جس میں وہ پاکستانی ملی نغمہ سنتے دکھائی دے رہے ہیں۔
رپورٹ کے مطابق ریاست اترپردیش کے ضلع بریلی کے مقامی گاؤں میں دو مسلمان نوجوان اپنی دکان میں بیٹھے پاکستانی ملی نغمے سن رہے تھے، پڑوسی کی جانب سے ان نوجوانوں کو گیت بند کرنے کے لیے کہا گیا لیکن نوجوانوں کے انکار پر اُس شخص نے ویڈیو بناکر سوشل میڈیا پر اپ لوڈ کر دی۔
रमज़ान का पवित्र महीना चल रहा है और बरेली में मुस्तकीम व नहीम पाकिस्तान ज़िंदाबाद के गाने बजाये जा रहे हैं !
इस देश में रह रहे हो..इस देश का खा रहे हो ..पी रहे हो..संशाधनों का उपयोग कर रहे हो और फिर भी पाकिस्तान ज़िंदाबादतुम्हारे जैसे ग़द्दार और नमकहराम पूरी दुनियाँ में नहीं👎 pic.twitter.com/KUTvLsvThG
— Major Surendra Poonia (@MajorPoonia) April 15, 2022
وائرل ہونے والی ویڈیو میں دیکھا جا سکتا ہے کہ دونوں مسلمان بھائی اپنی دکان میں کام کرنے میں مصروف ہیں اور ایسے میں ایک پاکستانی گیت چل رہا ہے، جس میں پاکستان زندہ باد کے الفاظ بھی شامل ہیں۔
پولیس کے مطابق اس معاملے میں دو افراد کے خلاف مقدمہ درج کر لیا گیا ہے اور اس ویڈیو کی صداقت کی فورنزک کی جا رہی ہے جس کے بعد کوئی فیصلہ کیا جائے گا۔