را سے تعلق کا بیہودہ الزام سراسرجھوٹ ہے، ایم کیو ایم -
The news is by your side.

Advertisement

را سے تعلق کا بیہودہ الزام سراسرجھوٹ ہے، ایم کیو ایم

لندن/ کراچی : متحدہ قومی موومنٹ کے ترجمان نے اپنے ایک بیان میں کہاہے کہ ایم کیوایم کوختم کرنے ، اسے ٹکڑے ٹکڑے کرنے اورمہاجروں سمیت تمام مظلوم عوام کا اتحادپارہ پارہ کرنے کیلئے ایک بارپھر 1992ء والا ڈرامہ دہرایا جارہا ہے لیکن انشاء اللہ ماضی کی طرح یہ سازشیں بھی ناکامی سے دوچارہوں گی۔

ترجمان نے کہا کہ قائد تحریک نے جب سے مہاجروں کے حقوق کیلئے جدوجہد کا آغازکیا ہے اورایم کیوایم وجود میں آ ئی ہے ،اسٹیبلشمنٹ کی جانب سے مہاجروں کی اس واحدنمائندہ جماعت کوختم کرنے اور قائد تحریک کوراستے سے ہٹانے کی سازشیں کی جاتی رہی ہیں۔

ایم کیوایم میں کئی بارگروپ بنانے کی بھی کوششیں کی گئیں اورایم کیوایم کے خلاف بدترین ریاستی آپریشن بھی کیاگیا۔ لیکن اللہ تعالیٰ کے فضل و کرم ، تحریک کے وفا شعار کارکنوں اورعوام کی ثابت قدمی اوراتحاد کی بدولت یہ تمام سازشیں ناکام ہوئیں۔

مہاجروں سمیت تمام قومیتوں سے تعلق رکھنے والے حق پرست عوام نے بارباران تمام الزامات کو مسترد کیااور قائد تحریک کی آوازپرلیبک کہتے ہوئے ایم کیوایم کے حق میں اپنامینڈیٹ دیا۔

ترجمان نے کہاکہ ایم کیوایم را سے تعلق کے بیہودہ الزام کوسراسرجھوٹ اوربے بنیاد قراردیتی ہے ،اسے ایک بارپھرمستردکرتی ہے۔

الزامات لگانے والوں کے پاس اگرثبوت ہیں تو ان الزامات کوعدالتوں میں ثابت کریں۔ترجمان نے کہاکہ ایم کیوایم کے تمام باوفا اورباضمیرکارکنان وعوام قائدتحریک کی پرعزم قیادت میں سیسہ پلائی ہوئی دیوار کی طرح متحدہیں۔

وہ تحریک کے خلاف کی جانے والی اس نئی سازش کوبھی ماضی کی طرح اپنے اتحاد سے ناکام بنادیں گے۔

 

Comments

comments

یہ بھی پڑھیں