site
stats
عالمی خبریں

پاکستان کے ہاتھوں عبرتناک شکست، بھارتی عوام آپے سے باہر

ممبئی: چیمپئنز ٹرافی میں پاکستان کے ہاتھوں عبرتناک شکست کے بعد بھارتی عوام نے غصے میں آکر اپنا ٹی وی توڑا تو کسی نے کھلاڑیوں کی تصاویر نظر آتش کرڈالیں۔

بھارتی میڈیا کے مطابق آئی سی سی چیمئنز ٹرافی میں پاکستان کے ہاتھوں بھارتی ٹیم کی شکست کے بعد حکومت نے کھلاڑیوں کے گھروں پر ممکنہ حملوں کے پیش نظر سیکیورٹی سخت کردی۔

بھارتی ٹیم کے وکٹ کیپر مہندرا سنگھ دھونی کے گھر پر اسپیشل کمانڈوز تعینات کردیے گئے اور انہیں احکامات دیے گئے ہیں کہ اگر کوئی بھی مشتعل شخص حملے کی کوشش کرے اُسے ناکام بنا دیں۔

دوسری جانب بھارتی میڈیا نے غصے سے بھرے کرکٹ شائقین کی تصاویر بھی شائع کی ہیں جس میں دیکھا جاسکتا ہے کہ بھارتی عوام اپنے ہی کھلاڑیوں جن کی کل تک تعریف کرتے نہیں تھک رہے تھے آج اُن ہی کی تصاویر نظر آتش کرنے لگے۔

دوسری جانب کھلاڑیوں کے گھروں پر مشتعل افراد کے ممکنہ حملوں کے پیش نظر مقامی حکومتوں نے خصوصی کمانڈوز کے دستے تعینات کردیے گئے ہیں، وکٹ کپیر مہندرا سنگھ دھونی کے گھر پر پولیس کے خصوصی دستے حفاظت کے لیے پہنچ چکے ہیں۔

یاد رہے ماضی میں بھی پاک بھارت میچ میں بھارتی ٹیم کی شکست کے بعد کھلاڑیوں کے گھروں پر مشتعل افراد کی جانب سے حملے کیے جاچکے ہیں، کوکلتہ میں پاکستان کے ہاتھوں شکست کے بعد بھارت میں شدید ہنگامے پھوٹ پڑے تھے جس کے بعد مختلف علاقوں میں آرمی طلب کی گئی تھی۔

ویڈیو دیکھیں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top