The news is by your side.

پاکستانی ٹیم کو ویزے دینے کا بھارتی انکار، ’کھیلوں میں سیاست کو نہیں لانا چاہیے‘

پاکستان نے بھارت کی جانب سے بلائنڈ کرکٹ ٹیم کو ویزے نہ دینے پر اظہارِافسوس کیا ہے۔

بھارتی ہائی کمیشن کا پاکستانی بلائنڈکرکٹ ٹیم کو ویزےجاری نہ کرنےکے معاملے پر ترجمان دفتر خارجہ نے ردعمل دیتے ہوئے کہا کہ کھیلوں میں سیاست کو نہیں لانا چاہیے بھارت کو ویزے جاری نہ کرنے پر مایوسی سے آگاہ کیاہے۔

اسلام آباد میں بھارتی ہائی کمیشن نے پاکستان بلائنڈ کرکٹ کونسل کو باضابطہ آگاہ کردیااور بلائنڈ کرکٹ کونسل کوٹیم کے پاسپورٹ وصول کرنے کا کہہ دیا۔

بھارتی ہٹ دھرمی، پاکستان ‘بلائنڈ کرکٹ ورلڈ کپ’ میں شرکت سے محروم ہوگیا

بھارتی ہائی کمیشن نے موقف اپنایا کہ پاکستان کے ساتھ کھیلوں کی سرگرمیاں نہیں ہورہیں، کھیلوں کی سرگرمیوں نہ ہونے کی وجہ سے ویزہ جاری نہیں کرسکتے۔

چیئرمین پاکستان بلائنڈ کرکٹ کونسل نے ورلڈ بلائنڈ کرکٹ کونسل سے مطالبہ کیا کہ کھیل میں سیاست کرنے پر بھارت کے خلاف ایکشن لیا جائے۔

واضح رہے کہ بلائنڈ کرکٹ ورلڈ کپ بھارت میں شروع ہو چکا ہے،بلائنڈ ورلڈ کپ میں بھارت، پاکستان، آسٹریلیا، بنگلادیش، سری لنکا، جنوبی افریقا، نیپال کی ٹیموں نے شرکت کرنی ہے۔

ورلڈ کپ میں پاکستان کو اپنا پہلا میچ 7 دسمبر کو جنوبی افریقا کیخلاف کھیلنا تھا جبکہ روایتی حریف بھارت کےخلاف 8دسمبر کو بڑا ٹاکرا ہونا تھا۔

Comments

یہ بھی پڑھیں