The news is by your side.

Advertisement

بھارتی حکومت کی پاکستان سے فضائی حدود کے استعمال کی درخواست

اسلام آباد: بھارت نے حکومت پاکستان سے پاکستانی فضائی حدود کے استعمال کے لیے درخواست کی ہے.

تفصیلات کے مطابق یہ درخواست شنگھائی تعاون تنظیم سربراہ اجلاس میں بھارتی وزیر اعظم نریندر مودی کی شرکت کے تناظر میں کی گئی.

سفارتی ذرائع کے مطابق بھارت نے درخواست میں موقف اختیار کیا ہے کہ بھارتی وزیر اعظم کا طیارہ پاکستان حدود سے گزرنا چاہتا ہے.

بھارتی حکومت نے کہا ہے کہ طیارے کو فضائی حدود سے گزرنے دیا جائے، اعلیٰ سرکاری ذرائع نے درخواست موصول ہونے کی تصدیق کردی.

بھارتی وزیر اعظم نریندر مودی 13 جون کو بشکک جانے کے لئے پاکستانی فضائی حدود سے گزرنا چاہتے ہیں.

مزید پڑھیں: وزیراعظم عمران خان کی نریندرمودی کو ایک بار پھر مذاکرات کی دعوت، خط لکھ دیا

پاکستانی حکام شنگھائی تعاون تنظیم سربراہ اجلاس کے تناظر میں اس درخواست کا جائزہ لے رہے یبں.خیال رہے کہ پاکستان نے سشما سوراج کے طیارے کو بھی گزرنے کی اجازت دی تھی.

یاد رہے کہ 7 جون 2019 کو پاکستانی وزیر اعظم عمران خان نے نریندر مودی کو انتخابات میں فتح پر مبارک باد دیتے ہوئے ایک بار  پھر مسائل کے حل کے لئے مذکرات کی دعوت دی ہے۔

 اس ضمن میں پاکستانی وزیر اعظم کی جانب سے خصوصی خط روانہ کیا گیا۔

Comments

comments

یہ بھی پڑھیں