تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

بھارتی آبدوزوں کی انتہائی حساس معلومات منظرعام پر

نئی دہلی : بھارت اپنی آبدوزوں کے بارے میں حساس معلومات کی حفاظت بھی نہ کرسکا۔ آسٹریلوی اخبار نے بھارتی آبدوزوں کا خفیہ ڈیٹا شائع کردیا، بھارتی وزیر دفاع نے تحقیقات کا حکم دے دیا۔

تفصیلات کے مطابق ہر روز کی طرح تئیس اگست کی صبح بھی بھارتی نیوی گھوڑے بیچ کر سوئی رہی اور دوسری جانب آسٹریلوی اخبار نے چھ بھارتی اسکارپئین آبدوزوں کے بارے میں حساس معلومات کا کچا چھٹہ کھول کر رکھ دیا۔

submarine1

بھارتی وزیر دفاع منوہر پاریکر نے تحقیقات کا حکم دے دیا ہے، بھارتی وزیردفاع کا کہنا ہے کہ خفیہ معلومات کا افشا ہونا ہیکنگ کا نتیجہ ہے۔

آسٹریلوی میڈیا کے مطابق بائیس ہزار سے زائد صفحات پر مشتمل خفیہ ڈیٹا حاصل کیا گیا ہے۔ جس کے مطابق بھارت نے فرانس کے دفاعی کنٹریکٹر ڈی سی این ایس کو اسکورپین آبدوز کے ڈیزائن کی مد میں 3 ارب 45 کروڑ ڈالر فراہم کئے۔

ان دستاویزات میں آبدوزوں کے پورے نظام، جنگی صلاحیت، ٹارپیڈو لانچ، نیویگیشن اور مواصلات کا نظام ، پانی کے اندر اور اس سے اوپر سینسرز کی تفصیلات شامل ہیں ماہرین کا کہنا ہے کہ جو ملک خفیہ دستاویزات چھپا کر نہیں رکھ سکتا اس کے ایٹمی ہتھیار کتنے محفوظ ہوں گے اس پر دنیا کو سوچنا چاہیئے۔

بھارتی وزیر دفاع منوہر پاریکر نے نیول حکام سے رپورٹ طلب کر لی ہے۔ ان کا کہنا تھا کہ سب سے پہلے تو اس بات کا جائزہ لیا جائے گا کہ یہ معلومات ہماری طرف سے لیک نہیں ہوئیں تاہم لگتا ہے کہ خفیہ ڈیٹا کا افشا ہونا ہیکنگ کا نیتجہ ہے۔

 

Comments

- Advertisement -