The news is by your side.

Advertisement

فوجیوں کا قتل‘ بھارت کا میڈیا پرواویلا‘ اقوام متحدہ میں خاموشی

نیویارک: اقوام متحدہ کا کہنا ہے کہ بھارت نے فوجیوں کی لاشوں کو مسخ کرنے کے حوالے سے کوئی شکایت درج نہیں کرائی جس میں پاکستان پر فوجیوں کے قتل کے الزامات عائد کئے گئے ہوں۔

سرکاری خبررساں ادارے کے مطابق اقوام متحدہ کے ترجمان سٹیفن دوجارک کا کہنا تھا کہ ہم لائن آف کنٹرول پرتعینات اپنے ملٹری آبزرور گروپ سے بھی اس بارے میں معلومات حاصل کرچکے ہیں اورتاحال ایسی کئی اطلاعات نہیں ہیں۔

بھارت اور پاکستان کے بارے میں اقوام متحدہ کے ملٹری آبزور گروپ (یو این ایم او جی آئی پی) جنوری 1949ءمیں تعینات کیا گیا تھا جو دونوں ممالک کے درمیان جموں وکشمیر پر جنگ بندی کی نگرانی کرتا ہے۔

ترجمان نے پاکستان اور بھارت کے درمیان ایل او سی پر کشیدگی کے حوالے سے پوچھے گئے ایک سوال کے جواب میں کہا کہ ہم نے بھارت اور پاکستان کے بارے میں اقوام متحدہ کے ملٹری آبزور گروپ (یو این ایم او جی آئی پی) کے اپنے دوستوں سے اس حوالے سے چیک کر لیا ہے اور جنگ بندی کی مبینہ خلاف ورزی کی اطلاعات کے بارے میں تاحال بھارتی حکام کی طرف سے کوئی شکایت موصول نہیں ہوئی۔

بھارتی فوجیوں کی لاشوں کی بے حرمتی کا الزام بے بنیاد ہے


یاد رہے کہ پاکستان اقوام متحدہ کے مبصرین کو ایل او سی کی مانیٹرنگ کی اجازت دیتا ہے جبکہ بھارت ایسی کوئی اجازت نہیں دیتا۔

ترجمان نے رپورٹر کے اس خیال سے اتفاق کرنے سے انکارکردیا کہ اقوام متحدہ کے سربراہ مقبوضہ کشمیر میں بھگڑتی ہوئی صورتحال پر مناسب توجہ نہیں دے رہے۔

ترجمان نے کہا کہ اقوام متحدہ کے سیکرٹری جنرل اس معاملے پر توجہ دے رہے ہیں۔ ہم اس بات کی ضرورت پر زور دیتے رہیں گے کہ فریقین کو مسئلے کو پرامن حل تلاش کرنے کے لیے مذاکرات کا راستہ اختیار کرنا چاہئے۔

Print Friendly, PDF & Email

Comments

comments

یہ بھی پڑھیں