مسلمان بس ڈرائیور کی بیٹی نے اپنی محنت سے بھارتی خلائی ادارے ’اسرو‘ میں بطور سائنسدان ملازمت حاصل کرلی، انھیں ٹیکنیکل اسسٹنٹ منتخب کیا گیا ہے۔
ثناعلی کے والد کی خواہش تھی کہ ان کی ہونہار بیٹی ملک کی خدمت کرے، وہ بھارت کے ضلع ودیشا کے نکاسا محلے کی رہائشی اور ان کے والد ساجد علی بس ڈرائیور رہ چکے ہیں۔ ستیش دھون اسپیس سینٹر اسرو میں جلد ہی وہ بطور ٹیکنیکل اسسٹنٹ ذمہ داریاں نبھائیں گی۔
متوسط مسلم کنبے تعلق رکھنے والی ثنا کی کامیابی کافی خاص ہے کیوں کہ انھیں تعلیم کے زیور سے آراستہ کرنے کے لیے والدین نے کافی جدوجہد کی ہے۔
ساجد علی نے بیٹی کی تعلیم کی تکمیل کے لیے قرض بھی لیا جس سے ان کا خاندان مالی بحران کا شکار ہوگیا تھا۔ ایک وقت ایسا آیا جب ان کی والدہ نے اپنے زیورات بھی رہن رکھے۔ ساتھ ہی ثنا بچوں کو ٹیوشن بھی پڑھاتی تھیں۔
نومنتخب مسلم سائنسدان نے اپنی تعلیم ایس ٹی آئی کالج سے مکمل کی ہے جب کہ ثنا علی نے یہاں سے ایم ٹیک کیا ہے۔ انجینئرنگ کی تعلیم مکمل کرنے کے بعد ثنا کی شادی گوالیار کے انجینئر اکرم سے ہوئی۔ ثنا کے والد ساجد علی ایس ٹی آئی میں ڈرائیور رہ چکے ہیں بعد میں وہ لیب اسسٹنٹ بن گئے۔
जरूरी नही रौशनी चिरागो से ही हो,
बेटियाँ भी घर मे उजाला करती है!#विदिशा की सना ने मध्यप्रदेश का नाम रोशन किया है!
सना का चयन इंडियन स्पेस रिसर्च ऑर्गेनाइजेशन (ISRO) मे हुआ है!पिता है ड्राइवर, मां ने गिरवी रखे थे गहने, बेटी ISRO मे रहकर करेगी देश सेवा!https://t.co/CBo4VEpNEx pic.twitter.com/m2fMZMmpt8
— Sadaf Afreen صدف (@s_afreen7) January 14, 2023
اسرو میں ان کے انتخاب کے بعد ریاست کے ویزر اعلیٰ شیوراج سنگھ چوہان اور مرکزی وزیر جیوترادتیہ سندھیا نے انھیں مبارکباد پیش کی ہے۔
وزیر اعلیٰ شیوراج سنگھ چوہان نے اپنی ٹوئٹ میں کہا ودیشا کی بیٹی ثنا کے اسرو کے ستیش دھون اسپیس سینٹر میں ٹیکنیکل اسسٹنٹ کے طور پر منتخب ہونے پر دلی مبارکباد پیش کرتا ہوں۔ آپ جیسی خواتین مدھیہ پردیش کا فخر ہیں۔
