The news is by your side.

Advertisement

خاتون ٹیچر نے آن لائن کلاس لینے کا انوکھا حل ڈھونڈ نکالا

نئی دہلی: بھارت میں کیمسٹری کی ٹیچر نے آن لائن کلاس لینے کا انوکھا حل ڈھونڈ نکالا، خاتون کے اس اقدام کو سوشل میڈیا پر خوب سراہا جارہا ہے۔

غیرملکی خبررساں ادارے کی رپورٹ کے مطابق بھارتی ریاست پونے میں آن لائن کلاس لینے کے لیے کیمسٹری ٹیچر نے اپنے موبائل فون کو رکھنے کے لیے ہینگرز اور کپڑےکی مدد سے ٹرائپوڈ بنا کر کلاس لی جس کے سوشل میڈیا پر خوب چرچے ہورہے ہیں۔

خاتون ٹیچر مومیتا نے اپنے لنکڈ ان اکاؤنٹ پر ایک ویڈیو شیئر کی جس میں دیکھا جاسکتا ہے کہ وہ بچوں کو آن لائن کلاس دینے کی خاطر اتنی لگن کے ساتھ خود ٹرائپوڈ اسٹینڈ بنا کر اس میں موبائل رکھ کر پڑھا رہی ہیں۔

سوشل میڈیا پر کیمسٹری ٹیچر کے اس اقدام کو صارفین کی جانب سے سراہا جارہا ہے اور ان کی محنت اور لگن کی تعریف کی جارہی ہے۔

واضح رہے کہ کرونا وائرس کے باعث دنیا بھر میں تعلیمی ادارے بند ہیں جس کی وجہ سے آن لائن تعلیم کا سلسلہ شروع کیا گیا ہے۔

یاد رہے کہ اس سے قبل بھارت میں آن لائن کلاس لینے کے دوران انٹرنیٹ کے کمزور سگنلز کی وجہ سے طالبہ دو منزلہ چھت پر چڑھ کر آن لائن کلاس لینے پر مجبور ہوگئی تھی۔

لڑکی کا کہنا تھا کہ یہ اقدام اٹھانے سے پہلے اس نے گھر کی سیڑھیوں اور دیگر جگہوں پر پڑھنے کی کوشش کی لیکن تمام مقامات پر انٹرنیٹ سنگنلز انتہائی خراب آرہے تھے۔

بعد ازاں انہوں نے چھت پر پڑھنے کا ارادہ کیا جو کارآمد رہا، اب وہ روزانہ کئی گھنٹوں تک چھتری لیے چھت پر پڑھتی ہیں۔

Comments

یہ بھی پڑھیں