The news is by your side.

Advertisement

مقبوضہ کشمیر میں بھارتی فوج کی دہشت گردی، 4 کشمیری نوجوان شہید

سری نگر: مقبوضہ کشمیر میں بھارتی فوج کی دہشت گردی جاری ہے، قابض فوج نے وادی میں آج مزید 4 نہتے نوجوانوں کو شہید کر دیا۔

تفصیلات کے مطابق مقبوضہ کشمیر کےضلع کلگام اور اسلام آباد میں بھارتی فورسز نے فائرنگ کر کے 4 کشمیری نوجوان شہید کردیا، نوجوانوں کو نام نہاد سرچ آپریشن میں شہید کیا گیا۔

کشمیر میڈیا سروس کا کہنا ہے کہ بھارتی فورسز نے کلگام اور اسلام آباد کے علاقوں کا محاصرہ کیا جبکہ بھارتی فوج نے گھروں میں گھس کر خواتین سے بدتمیزی بھی کی، محاصرے کے دوران موبائل فون اور انٹرنیٹ کی سہولت معطل کر دی۔

اس سے قبل رواں ہفتے 9 جون کو مقبوضہ کشمیر میں قابض بھارتی فوج نے 24 گھنٹوں کے دوران 9 کشمیریوں کو شہید کیا تھا۔

واضح رہے کہ کشمیرمیڈیا سروس کی رپورٹ کے مطابق 2019 میں بھارتی فورسزنے خواتین سمیت 210 کشمیریوں کو شہید کیا، 2 ہزار سے زائد کشمیری بھارتی فوج کے تشدد سے زخمی ہوئے جبکہ 64 خواتین کی عصمت دری کی گئی۔

کشمیر میڈیا سروس کا کہنا ہے کہ بھارتی فوجیوں نے 249 گھروں کوتباہ کیا جبکہ پیلیٹ گن کے چھروں سے 827 کشمیریوں کی بینائی متاثر ہوئی۔

Comments

یہ بھی پڑھیں