تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

سری نگر: بھارتی فورسز فائرنگ، ذہنی معذور نوجوان شہید

سری نگر : قابض بھارتی فورسز نے مقبوضہ وادی میں سرچ آپریشن کے نام پر ذہنی معذور نوجوان شہید کرکے درندگی کی انتہا کردی۔

تفصیلات کے مطابق مقبوضہ کشمیر میں بھارت کی درندہ صفت فوج کے کشمیریوں پر انسانیت سوز مظالم کا سلسلہ تاحال جاری ہے، کشمیری خواتین و مردوں پر بھارتی فورسز کے بہیمانہ سلوک نے بھارت کا بدنما چہرہ دنیا کے سامنے عیاں کردیا۔

مقاممی خبر رساں ادارے کا کہنا تھا کہ مقبوضہ کشمیر کے ضلع شوپیاں میں قابض بھارتی فوج نے اندھا دھند فائرنگ کرکے ذہنی معذور کشمیری نوجوان کو شہید کردیا۔

کشمیر میڈیا سروس کا کہنا تھا کہ ذہنی طور پر معذور کشمیری نوجوان قابض بھارتی فوج کے کیمپ میں داخل ہونے کی کوشش کررہا تھا کہ اچانک درندہ صفت فوجیوں فائرنگ کردی جس کے باعث نوجوان موقع پر جاں بحق ہوگیا۔

خیال رہے کہ گذشتہ روز بھارتی فورسز نے مقبوضہ وادی کے ضلع کپواڑہ کے علاقے ہند واڑہ کا محاصرہ کرکے گھر گھر نام نہاد آپریشن کے دوران مزید 1 کشمیری کو شہید کر دیا۔

یاد رہے کہ گذشتہ روز بھارتی فورسز کی مقبوضہ وادی کے ضلع بڈگام میں سرچ آپریشن کے دوران فائرنگ سے مزید 2 کشمیری نوجوان شہید ہوگئے۔

واضح رہے کہ 21 اکتوبر کو بھارتی فورسز نے دہشت گردانہ کارروائیوں اور ظلم و بربریت کے نتیجے میں وادی کشمیر میں 5 ماہ حاملہ خاتون شہید ہوئی تھی۔

Comments

- Advertisement -